महाराष्ट्र न्यूज वन प्रतिनिधी कोल्हापूर : राज्य सरकारने नव्याने स्थापन केलेल्या जैन समाज अल्पसंख्याक आर्थिक विकास महामंडळाच्या अध्यक्षपदी ललित गांधी यांची निवड झाली आहे. गांधी हे अखिल भारतीय जैन अल्पसंख्याक महासंघाचे राष्ट्रीय अध्यक्ष आहेत. जैन समाजाच्या धार्मिक, सामाजिक व आर्थिक विकासासाठी स्वतंत्र महामंडळाची स्थापना झाली आहे. मुख्यमंत्री एकनाथ शिंदे यांच्या नेतृत्वाखाली चार ऑक्टोबर रोजी झालेल्या कॅबिनेटच्या बैठकीत महामंडळ स्थापण्याचा निर्णय झाला. दरम्यान गांधी हे गेली अकरा वर्षे जैन समाजाचे राष्ट्रीय अध्यक्ष म्हणून काम करत आहेत. सरकारने त्यांची जैन आर्थिक विकास महामंडळाच्या अध्यक्षपदी निवड केली. हे अध्यक्षपद राज्यमंत्री दर्जाचे आहे. महामंडळाचे मुख्यालय मुंबई येथे असेल.प्रत्येक जिल्ह्यात स्वतंत्र कार्यालय होईल.