महाराष्ट्र न्यूज वन प्रतिनिधी हकोल्हापूर :
राजर्षी शाहू स्टेडियमच्या हिरवळीवर अतिशय दिमाखदार झालेल्या सोहळ्यात वेस्टर्न फुटबॉल असोसिएशनचे उपाध्यक्ष आणि केएसएचे अध्यक्ष मालोजीराजे आणि विफा महिला अध्यक्ष मधुरिमाराजे यांच्या हस्ते शाहू छत्रपती के एस ए फुटबॉल स्पर्धेच्या लोगोचे अनावरण झाले.
कोल्हापूर स्पोर्ट्स असोसिएशनच्या वतीने कार्यक्रमाचे आयोजन केले होते. श्रीमंत शाहू छत्रपती यांच्या ७५ व्या वाढदिवसानिमित्त नवीन लोगोचे अनावरण करण्यात आले आहे. वरिष्ठ साखळी फुटबॉल स्पर्धेमध्ये १६ संघ असून ही स्पर्धा दुसऱ्यांदा पुढे ढकललेली आहे. २२ डिसेंबर खेळली जाणार आहे. राज्यस्तरीय स्पर्धा आणि आंतर विद्यापीठ स्पर्धेसाठी वरिष्ठ संघातील खेळाडू सहभागी होणार असल्याने संघाने स्पर्धा पुढे घेण्याची मागणी केली होती. त्यानुसार स्पर्धा पुढे ढकलण्यात आली आहे.
सोहळ्यास के. एस. ए. चे सचिव माणिक मंडलिक, सदस्य संग्राम सिंह यादव, निलराजे पंडित, राजेंद्र दळवी, विश्वास कांबळे, नंदकुमार बामणे, नितीन जाधव, संजय पोरे, प्रदीप साळोखे, अमर सासने, भाऊ घोडके शहर काँग्रेसचे अध्यक्ष सचिन चव्हाण आदी उपस्थित होते.