महाराष्ट्र न्यूज वन प्रतिनिधी, कोल्हापूर : जातिवंत म्हैस पाळायची आहे, त्यासाठी आता इतर राज्यात शोध घ्यायचा, त्या ठिकाणाहून खरेदी करायची आवश्यकता नाही. दूध उत्पादक शेतकऱ्यांची गरज लागत लक्षात घेऊन कोल्हापूर जिल्हा सहकारी दूध उत्पादक संघाच्या (गोकुळ) पुढाकारातून केर्लीमध्ये जातिवंत म्हैस विक्री केंद्र सुरू झाले आहे. गोकुळचे चेअरमन अरुण डोंगळे यांच्या हस्ते या केंद्राचे शुक्रवारी (११ ऑक्टोबर) उद्घाटन झाले. या म्हैस विक्री केंद्रावरती खरेदी केलेल्या म्हैशींना गोकुळमार्फत ३० हजार रुपये अनुदान मिळणार आहे.

 या कार्यक्रमावेळी नवीन म्हैस विक्री केंद्रातून म्हैस खरेदी केलेल्या दूध उत्पादक राणी कोंडीराम पोवार, प्रतिमा दूध संस्था – निटवडे, बाबासो केरबा दिवसे, नागनाथ दूध संस्था- नागदेववाडी, बळीराम पांडुरंग साळोखे, पंचगंगा दूध संस्था – आंबेवाडी, नवनाथ केरबा गुडाळे, जखनाई दूध संस्था - राशिवडे बु।।, हरीश भिकाजी दळवी, धरमीमाई दूध संस्था गवसे पैकी पाटीलवाडी, बाबू व्यंकू कागणकर, विठ्ठल दूध संस्था – तावरेवाडी यांचा  सत्कार करण्यात आला.