महाराष्ट्र न्यूज वन प्रतिनिधी, कोल्हापूर : शुक्रवार पेठ, बुरुड गल्ली येथील शिवाजीराव दत्तात्रय ससे (वय ८४) यांचे शनिवारी रात्री निधन झाले. ते कोल्हापूर शहरातील हिंदू एकता आंदोलन संस्थापक सदस्य आणि हिंदुत्ववादी कार्यकर्ते होते. श्रीमंत छत्रपती शहाजीराजे यांचे ते निष्ठावंत सेवक तर खासदार श्रीमंत शाहू महाराज यांच्या सुरुवातीच्या काळात पीए म्हणून त्यांनी जबाबदारी सांभाळली होती. छत्रपतींच्या कर्नाटकातील शेती विभागाची जबाबदारी त्यांच्याकडे होती. त्यांच्या पश्चात दोन मुले, एक मुलगी, जावई, सुना, नातवंडे, पुतणे असा मोठा परिवार आहे. रक्षा विसर्जन सोमवार( १५ जुलै ) सकाळी नऊ वाजता पंचगंगा स्मशानभूमीवर होणार आहे.