महाराष्ट्र न्यूज वन प्रतिनिधी, कोल्हापूर : वाद्यांचा गजर, महायुतीच्या विजयाच्या घोषणा आणि मतदारांचा प्रतिसाद अशा उत्साही वातावरणात निघाली. शिवसेनेचे उमेदवार सत्यजीत जाधव, भाजपच्या उमेदवार माधुरी नकाते, निलांबरी साळोखे यांच्या प्रचारार्थ सोमवारी, सायंकाळी गजानन महाराजनगरात प्रचारफेरी आयोजित केली होती. न्यू इंग्लिश मिडियम स्कूल येथून प्रचारफेरीला सुरुवात झाली. महायुतीच्या विजयाच्या घोषणा देत रॅली मार्गस्थ झाली. उमेदवार सत्यजीत जाधव, माधुरी नकाते, यशोदा मोहिते, निलांबरी साळोखे हे मतदारांना अभिवाद करत महायुतीला विजयी करा असे आवाहन करत होते. गजानन महाराजनगर, गणेश कॉलनी, म्हाडा कॉलनी, वारे वसाहत, संभाजीनगर परिसरातून फेरी पुन्हा न्यू इंग्लिश मिडियम स्कूल येथे दाखल झाली. याप्रचार फेरीत माजी नगरसेवक किरण नकाते, गणेश देसाई, रोहित कारंडे, अरुण वडगावकर, चेतन मोहिते, विवेक कोरडे यांच्यासह भागातील प्रभागातील महिला  व पुरुषांचा सहभाग लक्षणीय होता.