महाराष्ट्र न्यूज वन प्रतिनिधी, कोल्हापूर : मुडशिंगीच्या मतदारसंघाच्या माजी जिल्हा परिषद सदस्य वंदना पाटील आणि माजी पंचायत समिती सभापती विजय पाटील यांनी भारतीय जनता पक्षात प्रवेश केला. गेल्या जिल्हा परिषद निवडणुकीत वंदना पाटील या काँग्रेसकडून विजयी झाल्या होत्या. माजी मंत्री प्रकाश आवाडे यांच्या उपस्थितीत त्यांनी भारतीय जनता पक्षात प्रवेश केला.
गडमुडशिंगी आणि गोकुळ शिरगाव जिल्हा परिषद मतदार संघातील समर्थकांसह पाटील पती-पत्नी भाजपात दाखल झाले. आमदार अमल महाडिक यांच्या विकासाच्या भूमिकेवर विश्वास ठेवून आपण भाजपमध्ये प्रवेश करत असल्याचे पाटील यांनी सांगितले. दोन्ही जिल्हा परिषद मतदार संघामध्ये भाजप उमेदवारांच्या विजयासाठी प्रयत्न करण्याची ग्वाही पाटील यांनी दिली. यावेळी जैन समाजाचे अध्यक्ष चारुदत्त तिपकोंडा पाटील, माजी सरपंच नरसगोंडा सातगोंडा पाटील, जवाहर कारखान्याचे व्यवस्थापक उत्तम दौलतराव कुंभार, कल्लाप्पाण्णा आवाडे सहकारी बँकेचे संचालक विष्णुपंत कुंभार, शितल भेंडवडे, सनी कोशिंबरे, विजय पाटील रोहित पाटील, आनंदा गुरव, तन्मय पाटील, अण्णासाहेब कुंभोजे, माजी उपसरपंच रोहित पाटील, महावीर व्हसामणी,माजी सरपंच राजगोंडा पाटील, माजी सरपंच सोनबा कोळी, अण्णासो पाटील सावकर, महावीर पाटील चिंचवडकर, महावीर पाटील,अण्णासो पाटील यांच्यासह कार्यकर्ते उपस्थित होते.