महाराष्ट्र न्यूज वन प्रतिनिधी, कोल्हापूर : कृषी क्षेत्रांशी निगडीत अद्ययावत माहिती एकाच छताखाली नागरिकांना मिळावी यासाठी तेरा ते सोळा फेब्रुवारी २०२६ या कालावधीत भीमा कृषी प्रदर्शन आयोजित केले आहे. येथलील मेरी वेदर मैदान येथे प्रदर्शन होणार आहे. या प्रदर्शनादरम्या तज्ज्ञांचे मार्गदर्शन, विविध पुरस्कारांचा वितरण सोहळा आयोजित केला आहे अशी माहिती खासदार धनंजय महाडिक यांनी पत्रकार परिषदेत दिली. प्रदर्शनाचे यंदा १८ वे वर्ष आहे.

या प्रदर्शनात कृषी क्षेत्रातील अत्याधुनिक तंत्रज्ञान, नवीन पीक पद्धतीं यासंबंधी मार्गदर्शन सत्रे होणार आहेत. यंदाच्या प्रदर्शनाची वैशिष्ट्ये सांगताना खासदार महाडिक म्हणाले, ‘पाच फुटाचा सरडा, बैलगाडा शर्यतीमधील हरण्या बैल्, बारा लाखांचे खिल्लार बैल, १४०० किलो वजनाचा मुऱ्हा रेडा, ३० लिटर दूध देणारी गाय ही आकर्षणे आहेत. प्रदर्शनात जातीवंत घोडे, शेळया, मेंढया, विविध जातीच्या कोंबडया, पक्षी  पाहावयास मिळतील. प्रदर्शन कालावधीत सांस्कृतिक कार्यक्रमाचे आयोजन केले आहे.

 प्रदर्शनात शेतीभूषण पुरस्कार, शेतीनिष्ठ पुरस्का, जिजामाता पुरस्कार, आदर्श शेतकरी पुरस्कार दिले जाणार आहेत.पत्रकार परिषदेला पृथ्वीराज महाडिक, जिल्हा कृषी अधीक्षक महेश मास्तोळी, नामदेव परीट, डॉ. अजित शिंदे, डॉ. सुनील काटकर, सर्जेराव धनवडे, अशोक सिद्धनेर्ले, इंद्रजीत जाधव, कृषी अधिकारी युवराज पाटील, किरण रणदिवे आदी उपस्थित होते.