महाराष्ट्र न्यूज वन प्रतिनिधी, कोल्हापूर : शिवाजी विद्यापीठातील रसायनशास्त्र विभागाचे माजी विभागप्रमुख प्रा. डॉ. शिवाजी रघुनाथ तथा एस. आर. पाटील यांचे हृदयविकाराच्या तीव्र झटक्याने रविवारी (२० ऑक्टोबर) दुपारी निधन झाले. मृत्यूसमयी ते ६९ वर्षाचे होते. ते मूळचे सांगलीवाडी, सांगली येथील आहेत.
शिवाजी विद्यापीठातून ते २०१७-१८ या शैक्षणिक वर्षात निवृत्त झाले. सेवानिवृत्तीनंतर प्रा. पाटील हे संजय घोडावत युनिव्हर्सिटी येथे कार्यरत होते. सध्या ते, मोरेवाडी परिसरात वास्तव्यास होते. रविवारी त्यांना अस्वस्थ वाटू लागले. पत्नींने त्यांना तत्काळ रिक्षामधून खासगी हॉस्पिटलकडे घेऊन गेले. दरमया एसएससी बोर्डजवळ असताना त्यांना हृदयविकाराचा झटका आला. त्यांना हॉस्पिटलमध्ये नेण्यात आले. मात्र डॉक्टरांनी, प्रा. पाटील यांचा मृत्यू झाल्याचे कुटुंबीयांना सांगितले. त्यांच्यावर सोमवारी सकाळी ९ वाजता सांगलीवाडी येथे अंत्यसंस्कार करण्यात येणार आहेत. त्यांच्या पश्चात पत्नी, तीन मुले असा परिवार आहे.