महाराष्ट्र न्यूज वन प्रतिनिधी कोल्हापूर :" कोल्हापूर महान्पालिकेतील इस्टेट विभागामध्ये इस्टेट ऑफिसरांच्या नेतृत्त्वाखालीअनागोंदी कारभार सुरू आहे. यामुळे महापालिकेचे आर्थिक नुकसान होत आहे. ही बाब अतिशय गंभीर आहे." या आशियाचे निवेदन कोल्हापूर शहर व जिल्हा नागरी कृती समितीने उपायुक्त रविकांत अडसूळ यांना दिले.
निवेदनात म्हटले आहे, "ई वॉर्ड शाहू कॉलेज परिसरात फूटपाथ भाडे कराराने दिल्याचे समजते. फूटपाथ भाड्याने देता येतो का ? शिरोली टोल नाक्यानजीक जुन्या जकात नाक्याच्या
इमारती शेजारी मंगल कार्यालयासाठी महापालिकेच्या पार्किंगसाठी राखीव असणाऱ्या २१/२ एकर जागेतील दर्शनी भाग विना परवाना, विना मोबदला दिला
आहे. तो देता येतो का ? त्याच ठिकाणी गेली ३ वर्षे नागरिक तक्रार करतात की काही लोकांनी वहिवाटीचा रस्ता मुरुम, दगड माती टाकून बंद आहे. तो खुला करुन नागरिकांची धोकादायक गैरसोय दूर करावी यावर काहीच कार्यवाही केली जात नाही.
महापालिकेच्या अनेक जागेत अतिक्रमण केले आहे व त्या ठिकाणी अनेक व्यवसाय केले जातात. त्यामुळे महापालिकेची इस्टेट वापरुन इतर लोक पैसे कमवितात. त्यात महापालिकेचा आर्थिक तोटा होत आहे. इस्टेट विभागाच्या वतीने अतिक्रमण निर्मुलन मोहीम काढून नुसताच फार्स केला जातो. " महापालिकेचे जलतरण तलाव चालू केले. स्तुत्य उपक्रम आहे. पण त्याचे दरपत्रक जाहीर केलेले नाही. शासनाचा तलावात पोहण्याचा दर ४५ मिनीटांसाठी ५० रुपये. असताना (महापालिका फक्त पंधरा रुपये अशी अल्पशा फी आकारून महापालिकेचे आर्थिक नुकसान केले जात आहे याच तलावावर सायंकाळी पाच ते सहा या वेळेत महिलांना पोहण्याची बॅच असताना सायं,5ते 8या वेळेत इतर लोकांना कसा तलाव वापरण्यास देतात इतर संस्थांनी ठराविक बॅच जादा फी भरुन खेळाडूंना वापरण्यास देण्याचा महापालिकेस प्रस्ताव दिला असता तो वरिष्ठांपर्यंत न पाठवता मधेच प्रलंबित ठेवून
महापालिकेचे आर्थिक नुकसान करीत आहेत.
शिष्टमंडळात अंकुश कदम, राजू मालेकर, लहुजी शिंदे, दीपक मोहिते, जलराज कदम अजिंक्य कदम, सुरेश कदम, शंकरराव शेळके, इस्माईल गाडेवाल, अशोक पोवार, रमेश मोरे, प्रकाश रांगणेकर, राजाराम कांबळे, चंद्रकांत पाटील आदींचा सहभाग होता.