महाराष्ट्र न्यूज वन प्रतिनिधी कोल्हापूर : भारतीय जनता पक्षाने आगामी लोकसभा निवडणुकीसाठी स्टार प्रचारकांची निश्चिती केली आहे. या स्टार प्रचारकमध्ये चाळीस जणांचा समावेश आहे यामध्ये कोल्हापूर जिल्ह्यातून उच्च व तंत्र शिक्षणमंत्री चंद्रकांत पाटील, खासदार धनंजय महाडिक यांचा समावेश आहे. महाराष्ट्रातील विविध लोकसभा मतदारसंघात स्रटार प्रचारक म्हणून ते पक्षाची ध्येय धोरणे मांडणार आहेत.

भारतीय जनता पक्ष व मित्र पक्षा आघाडीने यावेळी महाराष्ट्रातून 45 अधिक जागा जिंकण्याचा निर्धार केला आहे. महाराष्ट्रातील प्रचारासाठी पंतप्रधान नरेंद्र मोदी, भाजपचे राष्ट्राध्यक्ष जे.पी नड्डा, गृहमंत्री अमित शहा, केंद्रीय मंत्री नितीन गडकरी, अनुराग ठाकूर, स्मृती इराणी, ज्योतिरादित्य शिंदे, मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार , माजी मुख्यमंत्री अशोक चव्हाण, माजी मंत्री पंकजा मुंडे, भाजपचे नेते विनोद तावडे आशिष शेलार हे राज्याचा दौरा करणार आहेत.