महाराष्ट्र न्यूज वन प्रतिनिधी, कोल्हापूर :  कोल्हापुरातील भागीरथी नागरी सहकारी पतसंस्थेच्या अध्यक्षपदी अरुंधती धनंजय महाडिक, उपाध्यक्षपदी वैष्णवी पृथ्वीराज महाडिक यांची निवड झाली. पतसंस्थेची  पंचवार्षिक निवडणूक पार पडली. ही निवडणूक बिनविरोध झाली. निवडणूक अधिकारी म्हणून गायत्री साळसकर यांनी काम पाहिले. २०२५-२०३० या कालावधीसाठी ही निवड करण्यात आली आहे.
संचालक म्हणून प्राजक्ता घोरपडे, प्रियांका अपराध, संयोगिता नाईक-निंबाळकर, भाग्यश्री शेटके, स्मिता माने, अमर उरूणकर, अर्पिता जाधव आणि सेजल शेंडगे यांची बिनविरोध निवड झाली. पतसंस्थेचे जाहिरात प्रतिनिधी दिपक साळुंखे यांनी पतसंस्थेच्या कामकाजाचा आढावा घेतला.  चॅनेल बी चे व्यवस्थापकीय संचालक पृथ्वीराज महाडिक यांनी पतसंस्थेच्या विस्ताराबाबत सूचना केल्या. दरम्यान ग्राहकांच्या पाठबळावर पतसंस्था गतीने वाटचाल करत आहे. नव्या वर्षात ग्राहकांसाठी अर्थसहाय्य विषयक आणि गुंतवणूकीसाठी आकर्षक योजना सुरू करणार असल्याचे पतसंस्थेच्या अध्यक्षा महाडिक यांनी सांगितले. विजय कळंबकर यांनी आभार मानले. यावेळी सीए शिवराज मगर, पतसंस्थेच्या व्यवस्थापिका निलम नलवडे उपस्थित होते.