महाराष्ट्र न्यूज वन प्रतिनिधी, कोल्हापूर : कागल तालुक्यातील स्वाभिमानी शेतकरी संघटना युवा आघाडीचे जिल्हा उपाध्यक्ष सागर कोंडेकर, राजेंद्र बागल यांनीकाँग्रेसमध्ये प्रवेश केला. काँग्रेसचे जिल्हाध्यक्ष व आमदार सतेज पाटील यांच्या मार्गदर्शनाखाली काम करण्याचा निर्णय घेतला आहे. प्रवेशानंतर कोंडेकर यांच्याकडे कागल तालुका काँग्रेसच्या उपाध्यक्षपदाची जबाबदारी सोपविण्यात आली आहे. आमदार पाटील यांच्या हस्ते त्यांना नियुक्तीचे पत्र देण्यात आले. याप्रसंगी अमर चौगले, संतोष भांडवले, रोहित चौगले, प्रशांत भांडवले, सुखदेव चौगले, देवराज चव्हाण या कार्यकर्त्यांनीही काँग्रेसमध्ये प्रवेश केला. अजिंक्यतारा कार्यालय येथे त्यांचे स्वागत झाले. काँग्रेसमध्ये प्रवेश केल्यानंतर या साऱ्या कार्यकर्त्यांनी नवीन राजवाडा येथे जाऊन श्रीमंत शाहू महाराज यांची भेट घेतली