महाराष्ट्र न्यूज वन प्रतिनिधी कोल्हापूर : ६२ व्या महाराष्ट्र राज्य कला प्रदर्शनासाठी कोल्हापुरमधील कलाकारांच्या कलाकृतींची निवड झाली आहे. यामध्ये चित्रकार विजय टिपुगडे, मनोज दरेकर, नागेश हंकारे, मंगेश शिंदे यांचे अॅक्रेलिक माध्यमातील निसर्गचित्रांचा समावेश आहे. श्यामराव राऊत यांचे तैलरंगातील निसर्गचित्र तर वैभव पाटील, समृद्धा पुरेकर, योगेश मोरे यांची व्यक्तिचित्रे आहेत. शैलेश राऊत यांच्या पोस्टर डिझाईनची निवड झाली आहे. शिल्पकार सतीश घारगे, शुभम सुतार, कृष्णात कुंभार यांच्या ब्राँझ माध्यमातील तर गौरव काईंगडे यांचे टेराकोटा अशा शिल्पाकृतीची निवड झाली आहे. या कलाकृतीचा समावेश असलेले राज्य कला प्रदर्शन कलाकार विभागाचे उदघाटन १० जानेवारी २०२३ रोजी होणार आहे. हे प्रदर्शन मुंबईतील जहांगीर आर्ट गॅलरी येथे १० ते १६ जानेवारी २०२३ अखेर रसिकांना पाहण्यासाठी खुले राहणार आहे