महाराष्ट्र न्यूज वन प्रतिनिधी :  काेल्हापूर महापालिकेतर्फे २०२४-२५ या आर्थिक वर्षासाठी परवाना फीमध्ये कोणतीही वाढ करण्यात आलेली नाही. अग्निशमन विभागाच्या फीमध्ये तीन वर्षे कोणतीही वाढ केलेली नव्हती.  यंदा  २०२४-२५ मध्ये नवीन परवानाधारकांना अग्निशमन फीमध्ये दहा टक्के व जुन्या परवानाधारकांना पाच टक्के वाढ करण्यात आलेली आहे. परंतु व्यापारीवर्गामध्ये सरसकट परवाना व अग्निशमन फीमध्ये वाढ केली असल्याचे गैरसमजातून तक्रारी आल्या आहेत. चालु वर्षीच्या परवाना फीमध्ये तांत्रीक कारणामुळे गतवर्षीपेक्षा काही व्यापा-यांना वाढ आलेस ही बाब परवाना विभागाच्या निदर्शनास आणून दयावी.  तक्रार आलेस तात्काळ परवाना विभागाकडून तपासणी अंती व्यापाऱ्यांच्या परवाना फीमध्ये दुरुस्ती करुन देण्यात येईल. याबाबत उप-आयुक्त साधना पाटील व व्यापारी प्रतिनिधी यांची महापालिकेत संयुक्त बैठक होऊन महापालिका व व्यापा-यांच्यात समन्वय ठेवण्याचा निर्णय घेण्यात आला. तरी व्यापा-यांनी लवकरात लवकर परवाना फी भरुन महापालिकेस सहकार्य करावे असे आवाहन करण्यात आले आहे.