जवळपास दहा कोटी रुपये खर्चून  बहुउद्देशीय सभागृहची निर्मिती केली आहे. मुख्य ऑडिटोरियमला दोन्ही बाजूकडून लिफ्टची सोय आहे. त्यामुळे कलाकारांना थेट रंगमंचाकडे घेऊन जाता येते. गॅलरीमध्ये दोन मोठे डिजिटल स्क्रीन आहेत. 40 चौरस फूट इतका रंगमंचाचा आकार आहे शिवाय खालीवर सरकवत येणारे लाईटचे बिम्स बसविले आहेत. रंगमंचाचा मुख्य पडदा स्वयंचलित आहे. सभागृहाची रचना ही अतिशय आकर्षक पद्धतीने केली आहे. अत्यंत आरामशीरपणे बसून कार्यक्रम पाहता येईल अशा पद्धतीच्या खुर्ची बसविले आहे. हे बहुउद्देशीय सभागृह वातानुकूलित आहे. या ऑडिटोरियममध्ये चार मोठ्या ग्रीन रुम आहेत. यामध्ये कलाकार व सहकाऱ्यांना विश्रांती घेण्याचे कक्ष आहेत.

 हे बहुउद्देशीय सभागृह फक्त शैक्षणिक उपक्रमाकरिता उपलब्ध असणार आहे. दरम्यान संगीतसूर्य केशवराव भोसले आणि त्यांच्या सांगितिक कार्याविषयी कृतज्ञता म्हणून सायबर ट्रस्टतर्फे उभारलेल्या आनंद भवनमध्ये हरिहरन यांचा कार्यक्रम होत आहे. आयोजकांनी विनंती केल्यामुळे हरिहरन यांच्या कार्यक्रमासाठी हे बहुउद्देशीय सभागृह उपलब्ध करून दिले आहे. पत्रकार परिषदेला डी एस माळी, राजेंद्र पारिजात, कार्यक्रमाचे संयोजक गिरीश महाजन, आनंद कुलकर्णी, प्रशासनाधिकारी डॉ. विनायक साळोखे, प्रा. महांतेश पाटील आदी उपस्थित होते