महाराष्ट्र न्यूज वन प्रतिनिधी कोल्हापूर :  पहेलगाम येथे पर्यटकांवर पाक पुरस्कृत दहशतवाद्यांनी केलेल्या भ्याड हल्ल्याला सडेतोड प्रत्युत्तर देत भारतीय सैन्य दलाने अवघ्या दोनच दिवसात पाकिस्तानला शरणागती पत्करायला लावली. भारतीय सैन्य दलाच्या अतुलनीय पराक्रमाला सलाम करण्यासाठी शनिवारी 17 मे 2025 रोजी तिरंगा पद यात्रेचे आयोजन केले आहे.  सकाळी आठ वाजता पदयात्रा निघणार आहे.
दसरा चौक येथून सुरू होणारी ही तिरंगा पदयात्रा आईसाहेब महाराज पुतळा- बिंदू चौक- शिवाजी रोड मार्गे छत्रपती शिवाजी चौकात विसर्जित होईल. या पदयात्रेच्या नियोजनासाठी भारतीय जनता पार्टी कार्यालयात बैठक  झाली. या बैठकीला खासदार धनंजय महाडिक, आमदार अमल महाडिक,भाजपचे प्रदेश सचिव महेश जाधव, महानगर जिल्हाध्यक्ष विजय जाधव, ग्रामीण जिल्हाध्यक्ष नाथाजी पाटील यांच्यासह प्रमुख कार्यकर्त्यांची उपस्थिती होती.
य खासदार  महाडिक यांनी ही पदयात्रा समस्त कोल्हापूरकरांची आहे असे नमूद केले. प्रत्येक राष्ट्रभक्त नागरिकाने कोणताही पक्षीय अभिनिवेश न बाळगता या पदयात्रेत सहभागी व्हावे असे आवाहन त्यांनी केले. 
दसरा चौकात या पदयात्रेचा शुभारंभ माजी सैनिक आणि शहीद सैनिकांच्या कुटुंबीयांच्या हस्ते होणार आहे.