महाराष्ट्र न्यूज वन प्रतिनिधी कोल्हापूर :  मुलांना  शैक्षणिक साहित्य वाटपापासून ते क्रिकेट स्पर्धा, कॅरम स्पर्धा, म्हशी पळवणे स्पर्धा, फळे वाटप, रक्तदान शिबिरांसह विविध उपक्रम राबवत काँग्रेसचे विधानपरिषदेतील गटनेते आमदार सतेज पाटील यांचा येत्या १२ एप्रिलला होणारा वाढदिवस साजरा करण्याचा संकल्प कार्यकर्त्याच्या बैठकीत शुक्रवारी घेण्यात आला. आमदार सतेज पाटील यांचा येत्या १२ एप्रिलला ५३ वा वाढदिवस आहे. या निमित्ताने वाढदिवसाचे नियोजन करण्यासाठी अजिंक्यतारा कार्यालयात पदाधिकारी व कार्यकर्त्यांची बैठक पार पडली.  कार्यकर्त्यांनी शुभेच्छा देताना हार पुष्पगुच्छ आणू नयेत त्या ऐवजी गरजू विद्यार्थ्यांना देण्यासाठी वह्या आणाव्यात असे आवाहन संयोजकांनी केले.

 आमदार जयंत आसगावकर म्हणाले, सतेज पाटील यांचा वाढदिवस मोठ्या उत्साहात साजरा करू. यानिमित्ताने संपूर्ण जिल्हा सतेजमय करु असे आवाहन त्यांनी केले. शिवसेना ठाकरे गटाचे सहसंपर्कप्रमुख विजय देवणे, राष्ट्रवादी काँग्रेसचे कार्याध्यक्ष अनिल घाडगे, भारती पोवार, सुनील मोदी, माजी महापौर आर. के. पोवार, महादेवराव आडगुळे  यांनी वाढदिवस सामाजिक पद्धतीने साजरा करु या असे सांगितले. मिरजकर तिकटी येथील अंध मुलांच्या शाळेला भोजन देणार असल्याचे पोवार यांनी सांगितले.

माजी नगरसेवक राजू लाटकर म्हणाले,  सतेज पाटील यांनी आजवर केलेल्या कामाचा जयघोष आपल्या वाढदिवसाच्या शुभेच्छा आणि सोशल मीडियाच्या माध्यमातून दिसू दे.  यावेळी महाराष्ट्र प्रदेश काँग्रेसचे सरचिटणीस शशांक बावचकर, माजी जिल्हा परिषद अध्यक्ष बजरंग पाटील, काँग्रेसचे शहराध्यक्ष सचिन चव्हाण, माजी महापौर मारुतराव कातवरे, माजी महापौर भिमराव पोवार, सूर्यकांत पाटील-बुध्दिहाळकर, बाळासाहेब सरनाईक, चंद्रकांत यादव, गोकुळ संचालक बाबासो चौगले, शशिकांत पाटील चुयेकर, प्रकाश पाटील, बयाजी शेळके, बाबासाहेब खाडे, पी. डी. धुंदरे, सत्यजित दिनकरराव जाधव, माजी नगरसेवक संजय मोहिते, अर्जुन माने, प्रताप जाधव, संदीप नेजदार, इंद्रजीत बोंद्रे, विजय सुर्यवंशी,राजू साबळे, विनायक फाळके, महेश बराले, मधुकर रामाणे, दिग्विजय मगदूम, बबन रानगे, रियाज सुभेदार, शिवानंद बनछोडे, बिद्री साखर कारखाना संचालक एस. बी. पाटील, आर. एस. कांबळे, माजी संचालक श्रीपती पाटील, गोपाळ पाटील, शशिकांत खवरे, माजी जिल्हा परिषद सदस्य शशिकांत खोत, बाबासाहेब माळी, बाजीराव पाटील, भगवान पाटील, एकनाथ पाटील, जीवन पाटील, संभाजी पाटील, बंकट थोडगे, सदाशिव चरापले संजयसिंह पाटील, विद्याधर गुरबे, सचिन घोरपडे, विनायक घोरपडे, प्रा. टी. एस. पाटील, भरत रसाळे उपस्थित होते.  मोहन सालपे यांनी आभार मानले.