महाराष्ट्र न्यूज वन प्रतिनिधी, कोल्हापूर : दर्जेदार मराठी चित्रपट निर्मितीस अनुदान अंतर्गत अर्थसहाय्य योजनेच्या अध्यादेशामध्ये अखिल भारतीय मराठी चित्रपट महामंडळाच्या नावाचा समावेश करावा अशी मागणी चित्रपट महामंडळाच्या संचालक व व्यावसायिकांनी सांस्कृतिक कार्यमंत्री आशिष शेलार व पालकमंत्री प्रकाश आबिटकर यांच्याकडे केली. अखिल भारतीय मराठी चित्रपट महामंडळ ही मराठी सिने व्यावसायिकांची शिखर संस्था आहे. या कार्यालयाचे महत्व व प्रतिष्ठा अबाधित ठेवण्यासाठी अर्थसहाय्य योजनेत समाविष्ठ करा अशी मागणी करण्यात आली. चित्रपट महामंडळाचे उपाध्यक्ष धनाजी यमकर, रणजीत जाधव, सतीश बिडकर, इम्तियाज बारगीर, सदानंद सूर्यवंशी, वनिता दीक्षित,बबीता काकडे, अमर मोरे, सुनील मुसळे, रवींद्र बोरगावकर, सुभाष गुंदेशा, किशोर सुतार, राहुल मोरे, अमर मठपती, विजय ढेरे, अरुण शिंदे, बबन बिरंजे यांच्या शिष्टमंडळाने मंत्र्यांची भेट घेतली. त्यांना निवेदन सादर केले.