महाराष्ट्र न्यूज वन प्रतिनिधी कोल्हापूर : कोल्हापूर शहरातील पंचगंगा हॉस्पिटलला राज्य सरकारच्या वतीने कायाकल्प योजना अंतर्गत प्रथम क्रमांक प्राप्त झाला. याबद्दल शिवसेनेच्यावतीने  युवा सेना पश्चिम महाराष्ट्र सचिव ऋतुराज राजेश क्षीरसागर यांच्या हस्ते हॉस्पिटलमधील प्रशासन आणि कर्मचारी यांचा मानाचा फेटा, शाल आणि बुके देऊन सत्कार करण्यात आला. 
 पंचगंगा हॉस्पिटल येथे पार पडलेल्या कार्यक्रमादरम्यान हॉस्पिटलच्या अंतर्गत सुधारणांसाठी  आमदार राजेश क्षीरसागर  यांच्यावतीने  डीपीडीसीच्या माध्यमातून आणखी 25 लाखाचा निधी मंजूर करून घेऊ, अशी घोषणा यावेळी ऋतुराज क्षीरसागर यांनी केली.

  शिवसेनेचे उपजिल्हाप्रमुख किशोर घाटगे, सहाय्यक आयुक्त स्वाती दुधाणे,आरोग्य अधिकारी डॉ. प्रकाश पावरा यांनी मनोगत व्यक्त केले.
यानंतर शिवसेनेच्या महिला आघाडीच्या वतीने शिवसेनेच्या वर्धापन दिनानिमित्त हॉस्पिटल मधील  गरोदर मातांना डिंक लाडू चे वाटप करण्यात आले. सूत्रसंचलन सौरभ कुलकर्णी यांनी तर आभार रियाज बागवान यांनी मानले..

यावेळी सनी अतिग्रे, उमेश जाधव, सूरज धनवडे, अनंत पाटील, किरण मांगूरे, अक्षय ओतारी, अक्षय धनवडे, शिरीष गवळी, जयराज ओतारी, यशश्री घाटगे,  दिपाली अतिग्रे, प्रणोती पाटील सई पाटील, रोहन शिंदे उपस्थित होते.