महाराष्ट्र न्यूज वन प्रतिनिधी, कोल्हापूर : पंतप्रधान नरेंद्र मोदी यांच्या नेतृत्वाखाली मागील १० वर्षांत प्रत्येक क्षेत्रात चौफेर प्रगती केली आहे. त्यांना पुन्हा बहुमताने पंतप्रधान करण्यासाठी आपण देखील खारीचा वाटा उचलायचा आहे. म्हणुन महायुतीचे उमेदवार धैर्यशील माने यांना दुसऱ्यांदा हातकणंगले लोकसभा मतदार संघातून भरघोस मताधिक्यासह निवडून द्यायचे आहे. त्यासाठी जोमाने कामाला लागा’असे आवाहन जनसुराज्य शक्ती पक्षाचे नेते आमदार विनय कोरे यांनी केले.
हातकणंगले लोकसभा मतदारसंघातील महायुतीचे उमेदवार धैर्यशील माने यांच्या प्रचारार्थ आयोजित मेळाव्यात ते बोलत होते. पन्हाळा तालुक्यातील अमृतनगर येथे जनसुराज्य शक्ती पक्षाच्या प्रमुख कार्यकर्त्यांचा मेळावा झाला. याप्रसंगी ते बोलत होते.
आम. डॉ. विनय कोरे यांनी केले. ते अमृतनगर (ता.पन्हाळा) येथे हातकणंगले तालुक्यातील जनसुराज्य शक्ती पक्षाच्या प्रमुख पदाधिकारी व कार्यकर्ता मेळाव्यात मार्गदर्शन करताना बोलत होते. यावेळी वारणा विविध उद्योग व शिक्षण समुहातील सर्व संचालक तसेच हातकणंगले तालुक्यातील जनसुराज्य शक्ती पक्षाच्या प्रमुख पदाधिकारी व कार्यकर्ते मोठ्या संख्येने उपस्थित होते.