महाराष्ट्र न्यूज वन प्रतिनिधी, कोल्हापूर : कोल्हापूर जिल्हा सहकारी दुध संघ कर्मचारी संघटना,आयटक कामगार केंद्र व करवीर कामगार संघ , यांच्या संयुक्त विद्यमाने कामगार दिनाचे औचित्य साधून रक्तदान शिबिराचे आयोजन केले होते.  

वैभवलक्ष्मी ब्लड बँक कोल्हापूर यांच्या मार्फत रक्तदान शिबिर गोकुळ प्रकल्प गोकुळ शिरगाव येथे झाले.  यामध्ये ३२५ कर्मचाऱ्यांनी उत्स्फूर्तपणे रक्तदान केले. 

शिबिराचे उद्घाटन गोकुळचे चेअरमन अरुण डोंगळेसो यांच्या हस्ते करण्यात आले.चेअरमन डोंगळे म्हणाले, सध्या कोल्हापूर जिल्ह्यामधील ब्लड बँकेमध्ये रक्ताचा तुटवडा आहे. अशावेळी गोकुळ कर्मचारी संघटनेने “रक्तदान हेच श्रेष्ठदान” या संकल्पनेतून रक्तदान शिबिराचे आयोजन केले या बद्दल कर्मचारी संघटनेचे कौतुक केले. यावेळी सर्व रक्तदात्यांना सुरक्षतेसाठी संघटनेकडून कडून आय,एस,आय,मार्क हेल्मेट देण्यात आले.