महाराष्ट्र न्यूज वन प्रतिनिधी, कोल्हापूर :
दि मोहामेडन एज्युकेशन सोसायटी (मुस्लिम बोर्डिंग) संचलित नेहरू हायस्कूल व ज्युनिअर कॉलेज, कोल्हापूर व अँग्लो उर्दू हायस्कूल, शिरोली (पुलाची) येथे शिक्षक आमदार जयंत आसगावकर यांच्या निधीतून उभारण्यात आलेल्या संगणक कक्षाचे उदघाटन झाले. आमदार सतेज पाटील आणि आमदार आसगावकर यांच्या हस्ते उद्घाटन करण्यात आले. आमदार पाटील यांनी विद्यार्थ्यांच्या शिक्षणासाठी व इमारतीसाठी जो काही निधी लागेल तो माझ्या फंडातून निधी खर्च करेन असे सांगितले. यावेळी दि मोहामेडन एज्युकेशन सोसायटीचे चेअरमन गणी आजरेकर, प्रशासक कादर मलबारी, नेहरू हायस्कूल व ज्युनिअर कॉलेज शालेय समितीचे अध्यक्ष रफिक मुल्ला, अँग्लो उर्दू हायस्कूल शालेय समितीचे अध्यक्ष मलिक बागवान, जावेद दीडबांग, इशक शेख आजरा, रफीक शेख, हाजी जहांगीर आतार, लियाकत मुजावर आदी उपस्थित होते.