महाराष्ट्र न्यूज वन प्रतिनिधी,कोल्हापूर : पेठवडगाव येथील श्री महालक्ष्मी तलाव येथे मच्छ संगोपन व मच्छीमारीकरिता पंचवार्षिक ठेका मंजूर करुनही तिसऱ्या वर्षी मच्छीमारीसाठी जाणीवपूर्वक अडथळे आणले जात आहेत. नियम व अटीचे पालन करुनही हा ठेका रद्द करण्याच्या हालचाली सुरू आहेत. यासंदर्भात वडगाव नगरपरिषदेकडे सातत्याने पाठपुरावा करुनही तिसऱ्या वर्षीचा वार्षिक ठेका रक्कम भरुन घेण्याास विलंब केला जात आहे. येत्या चौदा एप्रिल २०२६ पर्यंत पूर्ववत ठेका मंजुरीस परवानगी दिली नाही तर त्याचदिवशी जिल्हाधिकारी कार्यालयासमोर आत्महदन करणार असल्याचा इशारा ठेकेदार बबन रणजीत पाटोळे यांनी दिला आहे. २४ जानेवारी २०२४ रोजी पंचवार्षिक ठेका मंजूर करण्यात आला. त्यानुसार २०२४- २५ व २०२५-२६ साठी प्रत्येक वर्षाचे एक लाख सत्तर हजार रुपये भरले आहेत. नियमानुसार सगळया प्रक्रिया पार पडल्या असताना २०२६ – २७ चा वार्षिक ठेका भरुन घेण्यास अडथळे आणले जात आहेत.यामागे काही जणांचा कुटील डाव आहे. असा आरोपही त्यांनी केला. पत्रकार परिषदेवेळी अमोल महापुरे, दादासाहेब माने उपस्थित होते. दरम्यान यासंदर्भात वडगाव नगरपरिषदेच्या मुख्याधिकाऱ्यांशी संपर्क साधण्याचा प्रयत्न केला, पण तो होऊ शकला नाही.