महाराष्ट्र न्यूज वन प्रतिनिधी, :जुना बुधवार पेठेतील राजर्षी छत्रपती शाहू महाराज हायस्कूल व ज्युनिअर कॉलेजच्या शैक्षणिक संकुलात श्री स्वामी विवेकानंद शिक्षण संस्थेचे संस्थापक डॉ.बापूजी साळुंखे यांची १०८ वी  जयंती साजरी करण्यात आली. यानिमित्त श्री स्वामी विवेकानंद शिक्षण संस्थेचे कोल्हापूर विभाग प्रमुख श्रीराम साळुंखे  यांच्या हस्ते बापूजींच्या पुतळ्यास पुष्पहार अर्पण व पूजन करण्यात आले. त्यांनी मनोगतातून बापूजींच्या शैक्षणिक कार्यची  माहिती सांगितली.सेनापती प्रतापराव गुर्जर हायस्कूल, तळेवाडीचे मुख्याध्यापक फराकटे यांनी आपल्या मनोगतातून कोकण विभागातील बापूजींच्या शैक्षणिक कार्याची ओळख विद्यार्थ्यांना  करून दिली. या कार्यक्रमास प्रशालेचे मुख्याध्यापक बी.जे सावंत उपस्थित होते. एस. एस. कवठेकर यांनी कार्यक्रमाचे सूत्रसंचालन  केले. प्राथमिक शाळेचे मुख्याध्यापक   एस.व्ही.पोवार यांनी आभार मानले.