महाराष्ट्र न्यूज वन प्रतिनिधी कोल्हापूर : “कोल्हापूर महानगरपालिकेच्या ज्या भागाचा सिटी सर्व्हे झालेला नाही त्याची कायदेशीर पद्धतीने मोजणी होऊन कोल्हापूर महानगरपालिका हद्दीतील सर्व मिळकतधारकांना प्रॉपर्टी कार्डचा लाभ द्यावा. त्यासाठी १६ कोटी रुपयांचा निधी उपलब्ध करून द्यावा” या मागणीचे निवेदन माजी आमदार अमल महाडिक यांनी उपमुख्यमंत्री फडणवीस यांना मुंबई येथे दिले.

कोल्हापूर शहराचा मूळ सिटी सर्व्हे १९३५ ते १९३९ या काळात झाला आहे. तर कसबा बावड्यासाठी १९५६ ला आणि फुलेवाडीच्या काही भागासाठी १९८६ ला सिटी सर्व्हे झाला आहे. पण कोल्हापूर शहराच्या इतर भागाचा सिटी सर्व्हे अद्यापही प्रलंबित आहे. त्यामुळे उर्वरित कोल्हापूर महानगरपालिका हद्दीतील तब्बल ८० हजाराहून अधिक मिळकतींना सिटी सर्व्हे झालेला नसल्यामुळे आजही प्रॉपर्टी कार्ड मिळत नाही.