महाराष्ट्र न्यूज वन प्रतिनिधी : समूह विद्यापीठांनी राष्ट्रीय व आंतरराष्ट्रीय मानांकनात आपले स्थान उंचावण्यासाठी विविध उपक्रमांचे आयोजन करून गुणवत्ता वृद्धी करावी.  समाज उपयोगी उपक्रमाच्या अनुषंगाने क्षयरोग (निर्मूलनाबाबतही विद्यापीठांनी सहभाग घ्यावा. समाजात यासंबंधी जनजागृती करण्यासाठी विद्यापीठांनी  प्रयत्नशील राहून विद्यार्थ्यांसाठी पोस्टर स्पर्धा, मराठी व हिंदी भाषेतील घोषवाक्य, कविता इत्यादींसारखे नाविन्यक्रम उपक्रम राबवावेत.असे आवाहन राज्यपाल तथा कुलपती जिष्णू देव वर्मा यांनी केले.

राज्यपाल वर्मा यांच्या अध्यक्षतेखाली राज्यातील समूह विद्यापीठांच्या कुलगुरूंची महत्त्वपूर्ण बैठक   लोकभवन मुंबई येथे पार पडली. या बैठकीत वारणा विद्यापीठाचे कुलगुरू डी. टी. शिर्के व प्रभारी कुलसचिव डॉ. आर. बी. पाटील उपस्थित होते. कुलगुरू शिर्के यांनी वारणा विद्यापीठाचा सविस्तर अहवाल सादर केला. तसेच वारणा विद्यापीठांतील महाविद्यालयांनी क्षयरोग निर्मूलनाबाबत जनजागृती उपक्रम आराखडा  तयार करण्यासाठी महाविद्यालयाच्या  प्राचार्यांना मार्गदर्शक सूचना दिल्या आहेत.