महाराष्ट्र न्यूज वन प्रतिनिधी, कोल्हापूर : संगीतसूर्य केशवराव भोसले नाट्यगृह व खासबाग मैदानाचे सध्या सुरू असलेले पुनर्बांधणीचे काम मूळ वास्तूला सुसंगत नाही. ऐतिहासिक ढाचा बाजूला ठेवून चुकीच्या पद्धतीने काम होत आहे. या दोन्ही वास्तूंचे विद्रुपीकरण सुरू असून मुख्यमंत्री देवेंद्र फडणवीस यांनी उद्घाटन करू नये यासाठी कोल्हापूर शहर नागरी कृती समितीमार्फत आंदोलन करण्यात आले मुख्यमंत्र्यांची दिशाभूल करून संपूर्ण कामे अपुरे असताना विशेषतः कुस्ती मैदानाचे  व्यासपीठ काम अपुरे असताना त्यांच्या हस्ते उद्घाटनाचा घाट घातला आहे यामध्ये  मुख्यमंत्र्यांचा दोष नाही त्यांनी शाहूंच्या प्रेमापोटी निधी दिला आहे पण त्याचा योग्य विनियोग झाला आहे की नाही हे पाहणे आवश्यक आहे त्यांनी पूर्ण माहिती घ्यावी या मागणीचे निवेदनही मुख्यमंत्री कार्यालयाला मेल करण्यात आले. शनिवारी सकाळी ८ वाजता मैदानात सराव करणारे शेकडो पैलवान व नागरी समिती सदस्यांनी राजर्षि शाहू महाराजांचे मोठे तैलचित्र हातात घेऊन त्याचबरोबर 'मुख्यमंत्री साहेब ...! विद्रूपीकरणाचे उद्घाटन करून पापाचे वाटे करू नका / राजर्षि शाहूंची वारसा स्थळे नष्ट करणाऱ्यांचा धिक्कार असो /  कुस्ती मैदान व  नाट्यगृहाची वाट  लावणाऱ्यांचा  धिक्कार असो असे फलक घेऊन व घोषणा देऊन अर्धवट काम असणाऱ्या कुस्ती मैदानात  फेरी मारत जोरदार घोषणाबाजी करून या ठिकाणी राजर्षि जाऊन च्या चरणी अशा भ्रष्ट प्रशासन आणि लोकप्रतिनिधींच्या गावात आम्ही राहतो याची आम्हाला लाज वाटते असे म्हणत आत्मक्लेष आंदोलन केले.  या आंदोलनाचे संयोजन अशोक पोवार, रमेश मोरे, वस्ताद विश्वास हारुगले, राजाभाऊ मालेकर, चंद्रकांत सूर्यवंशी ,शाहीर दिलीप सावंत, प्रकाश आमते ,अमृत शिंदे, चंद्रकांत पाटील, प्रसाद बुलबुले, राजेश वरक, महेश वरुटे यांनी केले.