“दुग्ध व्यवसायामध्ये जनावरांचा संतुलित आहार फार महत्वाचा आहे. या व्यवसायात जास्तीत जास्त खर्च हा जनावरांच्या आहारावरती होतो. हा खर्च कमी होण्यासाठी तसेच जनावरांचे आरोग्य चांगले राहण्यासाठी, योग्य पालन पोषण, दूध देण्याची क्षमता वाढण्यासाठी व प्रजननासाठी संतुलित आहार अत्यंत महत्वाचा आहे यासाठी दूध उत्पादकांनी जनावरांना दुधाच्या प्रमाणात पशुखाद्य व मिनरल मिक्श्चर वापर करणे गरजेचे आहे.”असे मत एक्झॉटिक बायोसोल्युशन,बेंगलोरचे डॉ. सत्यजित सतपथी यांनी व्यक्त केले.

 कोल्हापूर जिल्हा सहकारी दूध उत्पादक संघातर्फे (गोकुळ) दूध वाढ व गुणवत्ता सुधारणा कार्यशाळा आयोजित केली होती.  दूध उत्पादन वाढीसाठी पशुआहार व मिनरल मिक्श्चरचे महत्व या विषयावसंबंधी त्यांनी मार्गदर्शन केले. गोकुळचे चेअरमन अरुण डोंगळे कार्यक्रमाच्या अध्यक्षस्थानी होते. ताराबाई पार्क येथील गोकुळच्या कार्यालयात कार्यक्रम झाला.