महाराष्ट्र न्यूज वन प्रतिनिधी कोल्हापूर : कोल्हापूर जिल्हा सहकारी दूध उत्पादन संघाच्या निवडणुकीच्या अनुषंगाने सुरू असलेल्या घडामोडीत मंत्री हसन मुश्रीफ, काँग्रेसचे जिल्हाध्यक्ष आमदार सतेज पाटील गोकुळचे माजी चेअरमन विश्वास पाटील  अरुण डोंगळे यांच्या दृष्टीने दिलासादायक निर्णय गुरुवारी मिळाला. उच्च न्यायालयाच्या कोल्हापूर सर्किट बेंचने अवसायानातील ४९२  दूध संस्था व कार्यक्षेत्राबाहेरील ठरावधारक म्हणून तक्रार झालेल्या १७५ दूध संस्था अशा एकूण ६६७ दूध संस्थांच्या मतदानास पात्रतेचा निकाल दिला. हा निकाल समजतात गोकुळच्या माजी चेअरमन व संचालकाने आनंद व्यक्त केला. ते, गडहिंग्लज संपर्क दौऱ्यात होते.  गोकुळ दूध संघाच्या निवडणूक प्रचाराच्या गडहिंग्लज दौऱ्यावर असलेल्या सत्ताधारी संचालक मंडळातील माजी अध्यक्ष विश्वास नारायण पाटील , माजी अध्यक्ष नविद मुश्रीफ, संचालक युवराज पाटील, अजित नरके, डॉ. सुजित मिणचेकर, नंदकुमार ढेंगे, बाळासाहेब खाडे, रणजितसिंह पाटील, किसन चौगले, अमरसिंह पाटील, एस. आर. पाटील, जिल्हा परिषदेचे  माजी उपाध्यक्ष सतीश पाटील -गिजवणेकर, राहुल शिरकोळी, विजय दाभाडे, शिवराज पाटील यांनी असा आनंद व्यक्त केला.