गोखले कॉलेजमध्ये इंटर स्कूल व कॉलेज वादविवाद स्पर्धेमध्ये

महाराष्ट्र न्यूजवन प्रतिनिधी :   गोपाळ कृष्ण गोखले कॉलेजमध्ये श्रीमती सुशिलादेवी मल्हारराव देसाई युवती सचेतना फौंडेशन, इंन्डियन वुमन सायंटिस्ट असोसिएशन आणि गोपाळ कृष्ण गोखले कॉलेज, कोल्हापूर यांच्या वतीने संयुक्त विद्यमाने आंतरशालेय  व कॉलेज स्तरावर वादविवाद स्पर्धा मोठ्या उत्साहात पार पडली. माध्यमिक विभागात श्री. शाहू हायस्कूल व ज्युनिअर कॉलेज पेठवडगांव प्रथम व ज्युनिअर कॉलेज विभागामध्ये गोपाळ कृष्ण गोखले कॉलेजने प्रथम क्रमांक पटकावला

 शिवाजी विद्यापीठातील वनस्पतीशास्त्र विभागप्रमुख डॉ. आर. व्ही. गुरव, शिक्षण प्रसारक मंडळाच्या चेअरमन व युवती सचेतना फौंडेशनच्या अध्यक्षा प्रो. डॉ. मंजिरी अजित मोरे, फौंडेशनच्या सचिव ऋतुजा पृथ्वी मोरे यांच्या हस्ते रोपाला पाणी घालून स्पर्धेचे उदघाटन झाले. प्राचार्य डॉ. आर. बी. भुयेकर हे कार्यक्रमाच्या अध्यक्षस्थानी होते.

प्रमुख पाहुणे म्हणून बोलताना डॉ. आर. व्ही. गुरव यांनी बोलताना वादविवाद स्पर्धा ही केवळ बोलण्याची स्पर्धा नसून विचार करणेची, तर्क मांडण्याची आणि समोरच्याचे विचार समजून घेण्याची कला आहे. एखादया विषयाचा विविध बाजून विचार करणेची सवय लागते त्यामुळे विचारशक्ती प्रगल्भ बनते आपले मत योग्य उदाहरणे व कारणांसह मांडण्याची क्षमता विकसित होते. स्पर्धेमुळे आत्मविश्वास वाढून भाषा कौशल्य वाढते श्रवणाची सवय लागते निर्णय क्षमता, संवाद कौशल्य आणि नेतृत्वाची भावना विकसित होवून सामाजिक व राष्ट्रीय प्रश्नांची जाणीव होते. संवादाने सर्व प्रश्न सुटतात म्हणून आजच्या काळात वादविवाद स्पर्धांचे सतत आयोजन करणेची गरज आहे असे मत व्यक्त केले. विजेत्या शाळांना ट्रॉफी रोख रक्कम प्रमाणपत्र व पुष्पगुच्छ देवून गौरविण्यात आले. या कार्यक्रमास परीक्षक म्हणून अमोल शिंगे, सुनंदा नाईक, शितल कदम, प्रा. डॉ. आर.एम.बिसुरे, डॉ. सी. आर. चौगुले यांनी काम पाहिले.

या कार्यक्रमास शिक्षण प्रसारक मंडळोच सेक्रेटरी प्रा. जयकुमार देसाई, पेट्रन कौन्सिल मेंबर दौलत देसाई, प्रशासन अधिकारी पृथ्वी अजित मोरे, कौंन्सिल सदस्य प्रा. पी. बी. झावरे, उपप्राचार्य आर. एस. यादव, पर्यवेक्षक एम.एल.धनवडे यांनी शुभेच्छा दिल्या. या कार्यक्रमास प्रा. डॉ. के.के. पाटोळे, प्रा.डॉ. एस.एस.लेंडवे, एस.एस. नागन्नावर, जे.यु.कुंभार, आर.एम.पाटील,एस.पी. कवठेकर, मनिषा हातगीने,  डॉ. वाय.ए.पाटील, आदी उपस्थित होते. प्रा.ए.यु.पडवळ यांनी सूत्रसंचालन केले. प्रा.डॉ. पी. डी. आवटे यांनी आभार मानले

स्पर्धेचा निकाल पुढीलप्रमाणे, माध्यमिक विभाग : प्रथम क्रमांक: श्री शाहू हायस्कूल व ज्युनिअर कॉलेज, कागल. फस्ट रनर :- न्यायमुर्ती रानेडे विद्यालय व ज्युनिअर कॉलेज सेनापती कापशी. उच्च माध्यमिक विभाग :- प्रथम क्रमांक: गोपाळ कृष्ण गोखले कॉलेज, कोल्हापूर. फस्ट रनर :- वडगांव विद्यालय व ज्युनिअर कॉलेज, वडगांव