कोल्हापूर येथे धर्मादाय संघटना महाराष्ट्र राज्य व धर्मदाय सह आयुक्त कार्यालय कोल्हापूर विभाग यांच्या संयुक्त विद्यमाने आयोजित महाआरोग्य शिबिरात उद्घाटन प्रसंगी अध्यक्षस्थानावरून बोलत होते. आरोग्यमंत्री तानाजी सावंत यांच्या उपस्थितीमध्ये उद्घाटन कार्यक्रम पार पडला. याप्रसंगी धर्मदाय आयुक्त महेंद्र महाजन, खासदार धनंजय महाडिक,राज्य नियोजन मंडळ कार्याध्यक्ष राजेश क्षीरसागर, ताराराणी विद्यापीठ अध्यक्ष क्रांतिकुमार पाटील, धर्मदाय सह आयुक्त कोल्हापूर विभाग निवेदिता पवार, कोल्हापूर बार आसोसिएशनचे अध्यक्ष ॲड.दीपक पाटील, सचिव ॲड. कीर्ती कुमार शेंडगे, धर्मदाय उपायुक्त कोल्हापूर कांचनगंगा सुपाते, सहाय्यक धर्मादाय आयुक्त शरद वाळके, अतिरिक्त पोलीस अधीक्षक जयश्री देसाई, धर्मदाय सह आयुक्त मुंबई रुबी मालवणकर, धर्मदाय उपायुक्त सांगली मनीष पवार, अधीक्षक शिवराज नाईकवाडे, अधीक्षक विशाल क्षीरसागर उपस्थित होते.

आरोग्यमंत्री सावंत म्हणाले “धर्मदाय रुग्णालयांमधून सर्वसामान्य नागरिकांना आवश्यक आरोग्य सेवा चांगल्या प्रकारे मिळत नसल्याच्या नेहमीच तक्रारी सरकारकडे येत असतात. यासाठी रुग्णांना घरी बसूनच यापुढे धर्मदाय रुग्णालयातील आपले बेड मोबाईल ॲपच्या द्वारे आरक्षित करता येणार आहे. यासाठी मोबाईल ॲप सुरू करण्याचे काम सुरू आहे. येत्या दिवाळीपूर्वी रुग्णांना धर्मदाय रुग्णालयात आपल्याला आवश्यक असलेली सेवा सहज घेता येणार आहे.’’

यावेळी धर्मादाय आयुक्त महेंद्र महाजन यांनी मनोगत व्यक्त केले. धर्मादाय सह आयुक्त कोल्हापूर निवेदिता पवार यांनी प्रास्ताविक केले. कार्यक्रमाचे सूत्रसंचालन आनंदा शिंदे राशिवडेकर यांनी केले. दरम्यान ताराराणी विद्यापीठातील डॉ. व्ही. टी. पाटील सभागृह येथे शिबिराचे आयोजन केले होते. कोल्हापूर, रत्नागिरी, सांगली येथील आणि सिंधुदुर्ग जिल्ह्यातील धर्मादाय रुग्णालयांचे पथक शिबीरात सहभागी आहेत.