महाराष्ट्र न्यूज वन प्रतिनिधी, कोल्हापूर :  महाराष्ट्र राज्य मान्य खाजगी प्राथमिक शिक्षक व शिक्षकेतर महासंघाची जिल्हा व शहर कार्यकारिणी घोषित करण्यात आली. महासंघाचे राज्य सचिव राजेंद्र कोरे यांच्या प्रमुख उपस्थितीमध्ये जिल्हा कार्यकारणीची घोषणा विभागीय अध्यक्ष अशोक आरंडे यांनी तर शहर कार्यकारणीची घोषणा विभागीय सचिव राजाराम संकपाळ यांनी केली.

 महासंघातर्फे शनिवारी (१६ ऑगस्ट २०२५) शैक्षणिक गोलमेज परिषद व चर्चासत्र आयोजित केले होते. भवानी मंडप परिसरातील एमएलजी हायस्कूल येथे परिषद झाली. यामध्ये, ‘शाळा व शिक्षण संस्थांचे थकीत वेत्तनेतर अनुदान, मुख्याध्यापकांचे रजा रोखीकरण, शंभर टक्के वैद्यकीय बिलांची प्रतिपूर्ती, शिक्षकेतर कर्मचाऱ्यांच्या निवड श्रेणी वेतन निश्चितीवर झालेला अन्याय’यासंबंधी चर्चा झाली. प्रलंबित प्रश्नांसाठी जिल्ह्यातील दोन्ही मंत्री, खासदार-आमदारांना निवेदन देण्याचे ठरले. कोल्हापूर जिल्हा शहर नागरिक कृती समितीचे निमंत्रकअशोक पोवार हे प्रमुख पाहुणे होते. कोजिमाशीचे तज्ञ संचालक दादा लाड, संचालक बाळ डेळेकर यांनी संघटनेच्या लढ्याला पाठिंबा व्यक्त केला. महासंघाचे राज्य सल्लागार एम.डी.पाटील यांनी शिक्षकांचे रजा रोखीकरण या विषयावर सविस्तर माहिती दिली. टी. आर. पाटील यांनी वैद्यकीय प्रतिपूर्ती विषयाची मांडणी केलीं.  कार्यक्रमाचे अध्यक्ष व महासंघाचे राज्यसचिव राजेंद्र कोरे यांनी शिक्षकांच्या प्रश्नांना उत्तरे दिली. या कार्यक्रमात ४० हून अधिक शिक्षक व कर्मचारी पुन्हा संघटनेते परतल्याचे सांगितले.

महासंघाच्या जिल्हा कार्यकारिणीवर राजेंद्र पांढरबळे, जिल्हा प्रवक्तापदी सुरेंद्र तिके, जिल्हा उपाध्यक्ष्घ्पदी प्रदीप मगदूम, विलास बोरसाटे, सचिवपदी नितीन पानारी, सहसचिवपदी फारुख सय्यद, दशरथ कुंभार, खजानिसपदी गौतम कांबळे, कार्याध्यक्षपदी धीरज पारधी, जिल्हा संघटकपदी संदीपकुमार डवंग, कैलास भोईटे, जिल्हा महिला आघाडी प्रमुखपदी गिरीजा जोशी, महिला संघटकपदी सीमा चोपडे, महिला आघाडी कार्याध्यक्षपदी मिनाज मुल्ला, शिक्षकेत्तर कर्मचारी आघाडी प्रमुखपदी सागर जाधव यांची निवड झाली. शहर प्रवक्तापदी , उपाध्यक्षपदी भगवान खिरारी, धनंजय शिंदे, सचिवपदी गणेश घनवट, सहसचिवपदी गणेश बांगर, संदीप पिष्टे, खजानिसपदी रवींद्र नाईक, कार्याध्यक्षपदी अभिजीत साळोखे, शहर प्रवक्तापदी अरविंद चव्हाण, शहर संघटकपदी पिराजी बामणे, दत्ता मगदूम, महिला आघाडी प्रमुखपदी मौसमी निकम, महिला संघटकपदी नयना पाटील, शिक्षकेत्तर कर्मचारी  प्रमुखपदी अर्जुन चाफोडीकर यांची निवड झाली. करवीर तालुकाध्यक्षपदी राज मेंगे, उपाध्यक्षपदी रघुनाथ पाटील, पन्हाळा तालुकाध्यक्षपदी नामदेव नांदवडेकर, शिरोळ तालुकाध्यक्षपदी दत्तात्रय आंधळे यांची निवड झाली.