महाराष्ट्र न्यूज वन प्रतिनिधी, कोल्हापूर : ‘ दुग्धव्यवसाय अधिक सक्षम करण्यासाठी या क्षेत्रातील  आव्हाने बहुआयामी दृष्टिकोनाच्या मार्गाने हाताळले पाहिजे. दूध उत्पादन वाढीसाठी व जनावरांचे प्रजननसाठी संतुलित आहाराची उपलब्धता सुनिश्चितता महत्वाची आहे. शाश्वत दुग्ध व्यवसायासाठी नवनिर्मित तंत्रज्ञान आत्मसात करण्याची गरज आहे.’ असे मत कोल्हापूर जिल्हा सहकारी दूध उत्पादक संघाचे (गोकुळ) चेअरमन अरुण डोंगळे यांनी व्यक्त केले.

 गोकुळ व  कंपाऊंड लाइव्हस्टॉक फीड मॅन्युफॅक्चरर्स असोसिएशन ऑफ इंडिया, मुंबई (क्लाफ्मा) यांच्या संयुक्त विद्यमाने आयोजित 'शाश्वत दुग्ध व्यवसाय व नवनिर्मित तंत्रज्ञान' या विषयावरील एक दिवशीय परिसंवाद कार्यशाळा रेसिडेन्सी क्लब येथे झाली. या कार्यशाळेचे उद्घाटन गोकुळचे चेअरमन डोंगळे यांच्या हस्ते झाले. क्लाफ्मा ऑफ इंडियाचे चेअरमन दिव्या कुमार गुलाटी यांची प्रमुख उपस्थिती होती.

या कार्यशाळेत  आयुर्वेदिक औषधोपचार, ताण तणाव व्यवस्थापन आणि टी.एम.आर.चे फायदे, पंजाब मधील प्रगत दुग्धव्यवसायाची यशोगाथा, म्हैस संगोपन, पशुपोषण आहार व्यवस्थापन, छोटे दूध उत्पादक शेतकऱ्यांसाठी सायलेज निर्मिती व वापर या विषयावर तज्ञांनी मार्गदर्शन केले.  गोकुळचे संचालक नवीद मुश्रीफ, अजित नरके, कार्यकारी संचालक डॉ.योगेश गोडबोले यांनी मनोगते व्यक्त केली.

क्लाप्मा ऑफ इंडियाचे माजी चेअरमन एस.व्ही.भावे यांनी स्वागत केले. डॉ.सैकत साहा यांनी आभार मानले. डॉ.एम.पी.पाटील यांनी सूत्रसंचालन केले. कार्यशाळेला गोकुळचे संचालक संभाजी पाटील, प्रकाश पाटील, नंदकुमार ढेंगे, बयाजी शेळके, युवराज पाटील, कार्यकारी संचालक डॉ.योगेश गोडबोले, डॉ.एस.व्ही.आंबे, डॉ.प्रितपाल सिंग, डॉ.मनिष शर्मा, डॉ.नितीन मार्कडेय,  डॉ.प्रशांत शिंदे, डॉ.चंद्रशेखर पांडे, डॉ.प्रदीप महाजन, डॉ.विजय मगरे, डॉ.श्रीहर्ष के.व्ही.एस.,डॉ.सैकत साहा, डॉ.प्रकाश साळुंके, डॉ.व्ही.डी.पाटील उपस्थित होते.