महाराष्ट्र न्यूज वन प्रतिनिधी, कोल्हापूर : ‘विद्यार्थिनींनी जिद्द, चिकाटीच्या जोरावर यश संपादन करावे. फार्मसी क्षेत्रांमध्ये अनेक करिअरच्या वाटा उपलब्ध असून, उच्च शिक्षण सुद्धा घ्यावे.’ असे आवाहन व्याख्याते प्रा. मधुकर पाटील यांनी केले.  येथील श्री प्रिन्स शिवाजी मराठा बोर्डिंग हाऊस संचलित,न्यू वूमन्स कॉलेज ऑफ फार्मसीच्या द्वितीय वर्षातील विद्यार्थिनींचा निरोप समारंभ आयोजित केला होता. याप्रसंगी प्रमुख पाहुणे म्हणून प्रा. पाटील बोलत होते. कार्यक्रमाची सुरुवात छत्रपती शाहू महाराजांच्या पुतळयास अभिवादन करुन झाली. प्राचार्य डॉ. रवींद्र कुंभार यांनी प्रास्ताविकमध्ये महाविद्यालयाचा यशाचा आढावा घेतला. संस्थेचे विकास अधिकारी डॉ. संजय दाभोळे यांनी मुलींनी उच्चशिक्षण घेऊन,संशोधनांवर भर द्यावा असे प्रतिपादन केले. संस्थेचे चेअरमन डॉ. के.जी. पाटील यांनी विद्यार्थिनींना शुभेच्छा दिल्या. संस्थेचे संचालक विनय पाटील यांनी शुभेच्छा दिल्या. यावेळी संस्थेचे व्हाइस चेअरमन डी. जी. किल्लेदार, संचालक वाय. एल. खाडे, व्ही.एस.मोरे, संचालिका.सविता पाटील, प्राचार्य सचिन पिशवीकर उपस्थित होते. पूजश्री पाटील यांनी सूत्रसंचालन केले. प्रा.दिव्या शिर्के यांनी आभार मानले.