महाराष्ट्र न्यूज वन प्रतिनिधी, कोल्हापूर : उमेदवारी अर्ज दाखल करण्याच्या अखेरच्या टप्प्यात मैदानात उतरलेल्या जनसुराज्य शक्ती पक्षाकडून २९ उमेदवारांची यादी तयार झाली आहे. शिवसेना, भाजप, काँग्रेस, राष्ट्रवादी काँग्रेसमध्ये उमेदवारी न मिळालेल्या इच्छुकांनी जनसुराज्यकडून निवडणुकीच्या रिंगणात उतरले आहेत. त्यांनी उमेदवारी अर्ज दाखल केला आहे. यामध्ये चार माजी नगरसेवक आहेत. तसेच माजी महापौर व उपमहापौर यांच्या कुटुंबांतील सदस्य आहेत. शिवसेनेचे जिल्हाध्यक्ष सुजित चव्हाण यांचे चिरंजीव प्रसाद यांना तिकीट न मिळाल्याने त्यांनी बंडखोरी केली. प्रसाद चव्हाण हे जनसुराज्यकडून लढणार आहेत. काँग्रेसचे माजी उपमहापौर विक्रम जरग यांच्या चिरंजीवनांनी जनसुराज्यचा झेंडा हाती घेतला. राष्ट्रवादीच्या माजी नगरसेविका शारदा संभाजी देवणे यांनी जनसुराज्यकडे उमेदवारी अर्ज भरला. जनसुराज्य शक्ती पक्षाचे संस्थापक अध्यक्ष व आमदार विनय कोरे हे बुधवारी, ३१ डिसेंबर २०२५ रोजी निवडणुकीसंबंधी भूमिका जाहीर करणार आहेत. अर्ज छाननी प्रक्रिया झाल्यानंतर जनसुराज्य शक्ती पक्षाच्या उमेदवारांची बैठक होणार आहे. २९ उमेदवारा व्यतिरिक्त आणखी तीन उमेदवारांना जनसुराज्य पुरस्कृत करणार आहे. त्यासंबंधी चर्चा सुरू आहेत.

जनसुराज्यकडून प्रभाग क्रमांक सहामधून राहुल सुर्यकांत घाटगे, प्रभाग क्रमांक सातमधून पूजाश्री साळोखे यांनी अर्ज दाखल केला. पूजा साळोखे या माजी महापौर उदय साळोखे यांच्या पत्नी आहेत. प्रभाग क्रमांक आठमधून रमेश नागेश खाडे, स्वाती प्रवीण लिमकर, ऋतुजा दत्तात्रय म्हसवेकर, अनिल अमृतराव पाटील हे उमेदवार असतील. खाडे यांनी शिवसेनेकडे उमेदवारी मागितली होती. मात्र त्यांना मिळाली नाही. काँग्रेसचे माजी उपमहापौर विक्रम जरग यांचे चिरंजीव अक्षय जरग यांनी बंडखोरी केली. त्यांनी प्रभाग क्रमांक दहामधून जनसुराज्यकडून उमेदवारी अर्ज भरला. प्रभाग क्रमांक दहामध्ये सुजाता मोहनराव चव्हाण या महिला उमेदवार आहेत. शिवसेनेचे जिल्हाप्रमुख सुजीत चव्हाण यांचे चिरंजीव प्रसाद सुजित चव्हाण यांनी बंडखोरी करत जनसुराज्यकडून लढविण्याचे ठरविले. त्यांनी प्रभाग दहामधून उमेदवारी अर्ज भरला.

 प्रभाग क्रमांक ११ मध्ये महेश यशवंत बराले, अमर संभाजी शिंदे, रमा रतन पचरवाल, माजी उपमहापौर शारदा संभाजी देवणे यांनी अर्ज दाखल केला आहे. प्रभाग क्रमांक बारामधून माजी नगरसेवक रमेश पुरेकर, प्रिती अतुल चव्हाण, अमृता सुशांत पोवार हे उमेदवार आहेत. प्रभाग क्रमांक तेरामध्ये मधुरिमा रविकिरण गवळी, माजी नगरसेविका पदमजा जगमोहन भुर्के, शिवसेनेचे उप जिल्हाप्रमुख रणजित मंडलिक, शेखर जाधव हे उमेदवार आहेत. प्रभाग क्रमांक चौदामध्ये पूजा विशाल शिराळकर, सुमित उमेश साठम यांनी अर्ज दाखल केला. प्रभाग क्रमांत सतरामध्ये माजी नगरसेवक रशीद बारगीर, ज्योती कमलाकार भोपळे, वैशाली दत्ता मिसाळ हे उमेदवार आहेत. प्रभाग क्रमांक १८ मध्ये दिपाली संदीप पवार उमेदवार आहेत. भारतीय जनता पक्षाचे माजी नगरसेवक सुभाष रामगुडे यांना पक्षाने तिकिट नाकारल्यामुळे त्यांनी जनसुराज्यकडून निवडणूक लढविण्याचा निर्णय घेतला.  ते प्रभाग क्रमांक १९ मधून निवडणूक लढविणार आहेत. प्रभाग क्रमांक १९ मध्ये रणजीत बाळासाहेब साळोखे, सविता निवास भोसले यांनी उमेदवारी अर्ज दाखल केला आहे.