महाराष्ट्र न्यूज वन प्रतिनिधी, कोल्हापूर : कोल्हापूर महापालिका निवडणुकीसाठी शिवसेना ठाकरे पक्षाकडून सहा उमेदवार जाहीर केले. संपर्कप्रमुख अरुण दुधवडकर यांच्या आदेशानुसार शहरप्रमुख सुनील मोदी यांनी उमेदवारांच्या नावांची घोषणा केली आहे. यामध्ये जिल्हा महिला संघटक व माजी नगरसेविका प्रतिज्ञा उत्तुरे यांची उमेदवारी प्रभाग क्रमांक पंधरामधून ओबीसी महिला प्रवर्गातून जाहीर झाली. प्रभाग क्रमांत सात सर्वसाधारण गटातून राजेंद्र जाधव, सर्वसाधारण महिला गटातून सुप्रिया साळुंखे, प्रभाग दहामधून सर्वसाधारण गटातून राहुल इंगवले तर प्रभाग क्रमांक ११ सर्वसाधारण गटातून सचिन मांगले, प्रभाग क्रमांक चौदामधून सर्वसाधारण गटातून छाया किशोर पाटील यांची उमेदवारी जाहीर झाली आहे.