महाराष्ट्र न्यूज वन प्रतिनिधी : कोल्हापूर महानगरपालिका निवडणुकीसाठी सोमवारी तब्बल 177 अर्ज दाखल झाले. सात पैकी तीन निवडणूक कार्यालयात दुपारी तीन नंतर उमेदवारी अर्ज दाखल करण्यासाठी रांगा लागल्या होत्या. त्या इच्छुक उमेदवारांना निवडणूक कार्यालयाकडून टोकन देण्यात आले आणि दुपारी तीन ते पाच या वेळेत अर्ज दाखल करून घेतले. दरम्यान सोमवारी 29 डिसेंबर 2025 रोजी दाखल झालेल्या अर्जामध्ये 22 माजी नगरसेवकांचे अर्ज आहेत तर 16 अर्ज माजी नगरसेवकांच्या कुटुंबातील सदस्यांचे आहेत.
 सोमवारी उमेदवारी अर्ज दाखल केलेल्या मध्ये काँग्रेसकडून माजी नगरसेवक सुभाष बुचडे, माजी महापौर स्वाती येवलुजे, माजी उपमहापौर संजय मोहिते,  अर्जुन माने, संभाजी देवणे,   माजी नगरसेवक प्रकाश पाटील, ईश्वर परमार, विनायक फाळके, शारदा संभाजी देवणे  यांचा समावेश आहे. भारतीय जनता पक्षाकडून माजी नगरसेविका पल्लवी देसाई, अर्चना उत्तम कोराणे, रूपाराणी निकम, विजयसिंह खाडे, मुरलीधर जाधव, विलास वासकर, रवींद्र मुतगी  तर अपक्ष म्हणून संजय निकम यांनी दाखल केला आहे. शिवसेनेकडून अजित मोरे, प्रकाश नाईकनवरे, नंदकुमार मोरे यांनी उमेदवारी अर्ज भरला. तर माजी नगरसेवकांच्या कुटुंबातील सदस्यांनी ही उमेदवारी अर्ज दाखल केले आहेत त्यामध्ये 17 जणांचा समावेश आहे. रूपाली अजित पोवार धामोडकर, विश्वजीत बाबासाहेब मोहिते, रोहित शिवाजीराव कवाळे, अश्विनी अनिल कदम, तनिष्का धनंजय सावंत, स्वाती निशिकांत मेथे, अर्चना विजय साळोखे,  धीरज भिवाजी पाटील, अक्षय विक्रम जरग, मानसी सतीश लोळगे,  आशकिन गणी आजरेकर, संगीता रमेश पोवार, पूजा भोपाल शेट्टे,  गणेश नंदकुमार वळजू, अमर प्रणव समर्थ,  उत्तम वसंतराव शेटके, करण दीपक जाधव, उमेश देवाप्पा पोवार  आदींचा समावेश आहे