त महाराष्ट्र न्यूज वन प्रतिनिधी कोल्हापूर : लोकसभा निवडणुकीत महायुतीचे  उमेदवार संजय मंडलिक यांचा प्रचार करणारे व विधानसभा निवडणुकीत महाविकास आघाडी पुरस्कृत उमेदवार राजेश लाटकर यांच्या प्रचारात सक्रिय असणारे माजी नगरसेवक रमेश पुरेकर यांनी शिवसेनेत प्रवेश केला. उपमुख्यमंत्री एकनाथ शिंदे यांच्या उपस्थितीमध्ये मंगळवारी 17 जून रोजी मुंबईत त्यांचा शिवसेनेत प्रवेश झाला. पालकमंत्री प्रकाश आबिटकर, खासदार धैर्यशील माने, राज्य नियोजन मंडळाचे कार्यकारी अध्यक्ष व आमदार राजेश क्षीरसागर, माजी खासदार संजय मंडलिक, शिवसेनेचे जिल्हा समन्वयक सत्यजित कदम यावेळी उपस्थित होते. पुरेकर हे एकदा महापालिकेवर निवडून आले होते. तर  त्यांच्या पत्नी या दोनदा नगरसेविका होत्या. पुरेकर यांचाज्ञ जनसुराज्यमधून  महापालिकेत नगरसेवक म्हणून प्रवेश झाला होता. गेल्या वर्षी झालेल्या लोकसभा निवडणुकीत ते महायुतीचे उमेदवार संजय मंडलिक यांच्या सोबत होते. तर विधानसभा निवडणुकीत त्यांनी राजेश लाटकर यांचा प्रचार केला होता. पुरेकर हे माझे खासदार संजय मंडलिक यांचे समर्थक मानले जातात. महापालिका राजकारणात पुरेकर हे माजी खासदार मंडलिक व आमदार क्षीरसागर यांच्या नेतृत्वाखाली काम करणार आहेत.