महाराष्ट्र न्यूज वन प्रतिनिधी कोल्हापूर :  श्री स्वामी विवेकानंद शिक्षण संस्थेच्या डॉ. बापूजी साळुंखे इन्स्टिट्यूट ऑफ इंजिनिअरिंग अँड टेक्नॉलॉजीने 'इंटरनॅशनल कॉन्फरन्स ऑन ब्लॉकचेन डिस्ट्रीब्यूटेड सिस्टम्स अँड सिक्युरिटी' या अत्याधुनिक विषयावर  30 ऑक्टोबर ते एक नोव्हेंबर 2025 या कालावधीत आंतरराष्ट्रीय परिषदेचे आयोजन  केले आहे.  आयईईई मुंबई सेक्शन, पुणे सेक्शन आणि कॉम्प्युटर सोसायटी ऑफ इंडिया पुणे यांच्या संयुक्त विद्यमाने ही  परिषद होत आहे.  उच्च व तंत्र शिक्षणमंत्री चंद्रकांत पाटील यांच्या हस्ते परिषदेचे उद्घाटन होणार आहे. अशी माहिती विवेकानंद शिक्षण संस्थेचे मुख्य कार्यकारी अधिकारी कौस्तुभ गावडे यांनी दिली.

या परिषदेत  अनेक तज्ञांचे विविध विषयांवर मार्गदर्शन होणार आहे. त्यामुळे संशोधन क्षेत्राला उल्लेखनीय गती मिळेल असे ही गावडे यांनी सांगितले. इन्स्टिट्यूट ऑफ इलेक्ट्रिकल अँड इलेक्ट्रॉनिक इंजिनिअर ही जगप्रसिद्ध तांत्रिक व्यावसायिक संस्था आहे. नेटवर्किंग, इंटरनेट, वायफायची जागतिक मानके विकसित करण्यात या संस्थेचे चे महत्त्वाचे योगदान आहे. आयईईईची ही दक्षिण महाराष्ट्रातील पहिलीच परिषद असून जपान, अमेरिका, सौदी अरेबिया अशा परदेशातील आणि भारतातील नामांकित विद्यापीठातील, तंत्रज्ञान संस्थांमधील संशोधकांचे एकूण 1079 शोधनिबंध परिषदेस प्राप्त झाले आहेत. निवडक 210 शोधनिबंध सादर व प्रकाशित करण्यात येणार आहेत.

परिषदेमध्ये जपानच्या सुरक्षा मंत्रालयातील उच्च अधिकारी वैभव मेहता यांचे प्रमुख मार्गदर्शन होणार असून ऑस्ट्रेलिया येथील करटेन युनिव्हर्सिटी चे शास्त्रज्ञ डॉ. विद्यासागर पोतदार यांचेही व्याख्यान आयोजित केले आहे. या परिषदेत डॉ. बाबासाहेब आंबेडकर तंत्रशास्त्र विद्यापीठ, लोणेरेचे कुलगुरु डॉ. कारभारी काळे, डेक्कन एज्युकेशन सोसायटी पुणे विद्यापीठ यांचे कुलगुरू डॉ. राजेश इंगळे हे प्रमुख उपस्थित  आहेत. 

संस्थेचे कार्याध्यक्ष प्राचार्य अभयकुमार साळुंखे, सचिव प्राचार्या  शुभांगी गावडे यांचे आंतरराष्ट्रीय परिषदेला मार्गदर्शन लाभले आहे. पत्रकार परिषदेवेळी संस्थेच्या व्यावसायिक शिक्षण समूहाचे संचालक प्राचार्य विरेन भिडर्डी, इन्स्टिट्यूटचे प्राचार्य डॉ. सुहास सपाटे, मुख्य प्रशासकीय अधिकारी अमित आवाड, हितेंद्र साळुंखे  उपस्थित होते.