जिल्हा परिषदेत वसंतराव नाईक यांची जयंती साजरी
schedule01 Jul 26 person by visibility 29 categoryजिल्हा परिषद
महाराष्ट्र न्यूज वन प्रतिनिधी, : महाराष्ट्राचे माजी मुख्यमंत्री स्वर्गीय वसंतराव नाईक यांच्या जयंतीनिमित्त जिल्हा परिषद, कोल्हापूर येथील तळमजल्यावरील सभागृहात अभिवादनाचा कार्यक्रम झाला. माजी मुख्यमंत्री नाईक यांच्या प्रतिमेचे पूजन जिल्हा परिषदेचे उपाध्यक्ष तानाजी पाटील यांच्या हस्ते करण्यात आले. याप्रसंगी मुख्य कार्यकारी अधिकारी डॉ. जसमिन, बांधकाम व आरोग्य सभापती सारिका नांदेकर, शिक्षण सभापती शितल यादव, जिल्हा परिषद सदस्य एकनाथ पाटील, अतिरिक्त मुख्य कार्यकारी अधिकारी संतोष जोशी, उपमुख्य कार्यकारी अधिकारी ओमप्रकाश यादव, जिल्हा कृषी अधिकारी राजेंद्र माने, महिला व बालविकास अधिकारी नितीन मस्के उपस्थित होते. कार्यक्रमात उपस्थित मान्यवरांनी नाईक यांच्या कार्याचा गौरवपूर्ण आढावा घेत त्यांच्या विकासाभिमुख नेतृत्वाला अभिवादन केले. मेन राजाराम हायस्कूलमधील शिक्षिका सुषमा पाटील यांनी सूत्रसंचालन केले.
