महाराष्ट्र न्यूज वन प्रतिनिधी कोल्हापूर : कोल्हापूर येथील एका बांधकाम व्यावसायीकाकडे तब्बल एक कोटी रुपयाची खंडणी मागितल्याप्रकरणी पाच जणांच्या विरोधात जुना राजवाडा पोलीस ठाणे येथे गुन्हा दाखल करण्यात आला आहे. बांधकाम व्यावसायिक निलेश सुरेश जाधव यांनी यासंबंधी फिर्याद दिली. आरोपी म्हणून रुईकर कॉलनी येथील अजित भगवान तिवडे, साळोखेनगर चव्हाण कॉलनीतील फैयाज इसाक नगरजी, उचगाव येथील लखन बाळासाहेब माने, मणेरमाळ येथील संजय महावीर किरणगे व लालाशेठ यांच्या विरोधात गुन्हा दाखल झाला आहे.
 यातील फिर्यादी निलेश जाधव यांचे मोरेमाने नगर येथे सोनी हाइट्स या नावाने प्रकल्प सुरू आहे. त्यांच्याकडे या पाच आरोपीनी 29 एप्रिल 2026 , सहा व आठ जून 2026 रोजी बांधकाम व्यवसाय करण्यासाठी एक कोटी रुपयांची मागणी केली. सोने हाइट्स या प्रकल्पाच्या ठिकाणी व  रुईकर कॉलनीतील तिवडे यांच्या कार्यालयात बांधकाम व्यावसायिकला बोलावून दमदादी केली.  तसेच तिवडे यांच्या कार्यालयात कोंडून ठेवले. शिवाय बांधकाम व्यवसायिकांच्या कार्यालयात जाऊन त्यांच्या मोठ्या भावालाही धमकावले असे फिर्यादीत म्हटले आहे. आठ जून रोजी पुन्हा एकदा आरोपीनी बांधकाम व्यवसायिकाला धमकावले.  ' आमचा विषय मिटवल्याशिवाय काम चालू करायचे नाही' असे दमदाटी करत साईटवरील बांधकाम बंद पाडले  अशी फिर्याद बांधकाम व्यावसायिक जाधव यांनी दिली आहे. बुधवारी एक जुलै रोजी फिर्याद दाखल करण्यात आले आहे.