महाराष्ट्र न्यूज वन प्रतिनिधी, कोल्हापूर : ‘बांधिलकी जनतेशी…ध्यास प्रभागाच्या विकासाचा’हे सूत्र ठेवून मतदारसंघात काम करणारे नगरसेवक म्हणजे किरण नकाते आणि माधुरी नकाते. विकासकामांच्या जोरावर आणि जनसंपर्काच्या बळावर माजी नगरसेविका माधुरी नकाते या जानेवारी २०२६ मध्ये होणाऱ्या महापालिका निवडणुकीत प्रभाग क्रमांक ११ मधून निवडणूक लढवित आहेत. भारतीय जनता पक्षाच्या उमेदवार आहेत.

प्रभागातील पायाभूत सुविधांची पूर्तता करण्याबरोबरच महिलांच्या कौशल्यांना वाव देण्यासाठी,बचत गटांनी उत्पादित केलेल्या वस्तूंना बाजारपेठ मिळवून देण्यासाठी दरवर्षी मैत्रीण महोत्सव आयोजित केला जातो.  महोत्सव कालावधीत सांस्कृ्तिक कार्यक्रमांची रेलचेल असते. बचत गटाचे खाद्याचे स्टॉल असतात. मैत्रीण फाऊंडेशनचा मैत्रीण महोत्सव म्हणजे, संभाजीनगर, गजानन महाराजनगर, मंगळवार पेठ, नेहरुनगर यासह आसपासच्या भागातील लोकांसाठी वेगळी पर्वणी ठरली आहे. महिला सक्षमीकरण हा उद्देश ठेवून आयोजित केला जाणारा मैत्रीण महोत्सव हा बचत गटासाठी आधारवड ठरला आहे.

प्रभागाच्या विकासासाठी धडपडणारा कार्यकर्ता म्हणजे किरण नकाते अशी भागात ओळख आहे. जवळपास तीन दशकाहून अधिक काळ सामाजिक कार्यात सक्रिय आहेत. माजी आमदार महोदवराव महाडिक,  मंत्री चंद्रकांत पाटील, खासदार धनंजय महाडिक, आमदार अमल महाडिक, आमदार राजेश क्षीरसागर, माजी नगरसेवक सुहास लटोरे  यांच्या माध्यमातून निधी उपलब्ध करुन भागाचा विकास साधला. भाजपचे प्रदेश सचिव महेश जाधव, महानगर जिल्हाध्यक्ष विजय जाधव यांच्यासह महायुतीच्या पदाधिकाऱ्यांच्या माध्यमातून अनेक कामे मार्गी लावली. कॉलनीतील अंतर्गत रस्ते केले. जे जे लोकांना आवश्यक आहे, त्या साऱ्या पायाभूत सुविधा प्रभागात निर्माण केल्या. हरित प्रभाग अभियान राबवित प्रभागातील रस्त्याच्या दोन्ही बाजूला रोपांची लागवड केली. गेली पंधरा वर्षे असंख्य भाविकांना तिरुपती दर्शन घडवितात.

भागात ड्रेनेज लाइनची व्यवस्था निर्माण केली. प्रभागातील लहान मुले, ज्येष्ठ मंडळी यांच्याकरिता उद्याने विकसित केली. प्रभाग स्वच्छ व सुरक्षित राहिला पाहिजे यासाठी ठिकठिकाणी सीसीटीव्ही कॅमेरे बसविले. संभाजीनगर येथील न्यू इंग्लिश मिडियम स्कूलसमोरील रस्ता हा मॉडेल रस्ता तयार केला. भागातील लोकांच्या सोयीसाठी रुग्ण्वाहिका सुरू केली आहे. प्रभाग हा सर्वसुविधायुक्त असावा म्हणून स्मार्ट प्रभाग ही संकल्पना राबविली. कोरोना काळात प्रभागातील लोकांना मदत केली. महापुराच्या आपत्तीवेळी प्रशासनाला उपयुक्त् ठरेल अशी रेस्क्यू बोट मंडळाच्या माध्यमातून उपलब्ध केली. सार्वजिनक उत्सवाला विधायकतेची जोड देण्याचा हा स्त्युत्य उपक्रम.

 गणेश उत्सव व नवरात्रोत्सवातही नकाते कुटुंबीयांचा सहभाग. मंडळाच्या माध्यमातून विविध उपक्रम राबविण्यावर भर. करवीरनिवासिनी अंबाबाई देवीच्या रथोत्सवावेळी भाविकांना प्रसाद वाटप केला जातो. गुजरी कॉर्नर येथील दहीहंडी उत्सव तर शहरवासियांचे आकर्षण असते. लोकसंपर्क व विकासकामांशी नाते जोडलेल्या नकाते यांच्यावर भाजपने विश्वास दाखवित प्रभाग क्रमांक ११ मधून उमेदवारी दिली आहे. माधुरी नकाते यांच्या प्रचाराला नागरिकांचा प्रतिसाद मिळत आहे.