महाराष्ट्र न्यूज वन प्रतिनिधी, कोल्हापूर  : कोल्हापूर महापालिका निवडणुकीच्या पार्श्वभूमीवर महायुतीच्या नेतेमंडळींनी तीनही पक्षाच्या उमेदवारांशी संवाद साधला. निवडणुकीतील प्रचार, विकास योजनांची अंमलबजावणी यासंदर्भात कार्यशाळा झाली. वैद्यकीय शिक्षणमंत्री हसन मुश्रीफ, खासदार धनंजय महाडिक, राज्य नियोजन मंडळाचे कार्यकारी अध्यक्ष राजेश क्षीरसागर, आमदार अमल महाडिक यांच्या प्रमुख उपस्थितीमध्ये ही बैठक झाली. हॉटेल पॅव्हेलियन येथे आयोजित या बैठकीला महायुतीचे उमेदवार व पदाधिकारी उपस्थित होते.

 या बैठकीनंतर प्रसारमाध्यमाच्या प्रतिनिधींशी बोलताना वैद्यकीय शिक्षणमंत्री हसन मुश्रीफ यांनी, ‘महायुती प्रचंड मतांनी विजयी होईल महापालिकेवर युतीचा झेडा फडकेल.’असा विश्वास केला. मुश्रीफ म्हणाले, ‘महायुतीच्या उमेदवारांच्या प्रचारार्थ मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार हे कोल्हापुरात येणार आहेत.’