महाराष्ट्र न्यूज वन प्रतिनिधी कोल्हापूर : जिल्हा परिषद संचलित मेन‌ राजाराम हायस्कूल व ज्युनिअर कॉलेजच्या विद्यार्थ्यांनी घेतला विविध योगासनाचा प्रात्यक्षिक अनुभव. ' एक पृथ्वी एक आरोग्य यासाठी योग' या ब्रीदवाक्याने साजरा होणाऱ्या ११ व्या आंतरराष्ट्रीय योग दिनानिमित्त प्रशालेतील ऐतिहासिक सभागृहामध्ये प्राचार्य डॉ. गजानन खाडे यांच्या अध्यक्षस्थानी होते. आर्ट ऑफ लिव्हिंगचे वरिष्ठ शिक्षक अजय किल्लेदार व योगशिक्षिका शिवानी पाटगांवकर यांच्या मार्गदर्शनाखाली योगसाधना समारंभ झाला. 
योगासनांमुळे केवळ शरीराचं नाही, तर मनाचंही स्वास्थ्य सुधारतं. अभ्यास करताना येणारा ताण कमी करण्याच्या दृष्टिकोनातून शरीर आणि मन ताजेतवाने ठेवण्यासाठी नियमित शारीरिक हालचाली व प्राणायाम अत्यंत महत्त्वाचा आहे. शरीरातील रक्ताभिसरण सुधारण्यासाठी तसेच स्मरणशक्ती वृद्धिगंत होण्यासाठी, मनाची एकाग्रता वाढविण्यासाठीची योगासने योगशिक्षिका शिवानी पाटगांवकर यांनी प्रात्यक्षिक कृतीतून सांगितली. आर्ट ऑफ लिव्हिंगचे वरिष्ठ शिक्षक अजय किल्लेदार यांनी विद्यार्थ्यांना रोज सकाळी करता येईल अशा प्राणायाम व विविध सोपी योगासने  सांगितली.  प्रा. बी.पी.माळवे यांनी स्वागत केले. प्रा. सुषमा पाटील यांनी आभार केले.
 या कार्यक्रमास  उपप्राचार्या श्रीमती व्ही. ए. खडके, आर्ट ऑफ लिव्हिंगचे स्वयंसेवक वेदांत कुंभार,  प्रशालेचे सर्व शिक्षक व शिक्षकेतर सेवक व १२ वीचे विद्यार्थी  उपस्थित होते.