वाळवा , शिराळा तालुक्याने खंबीरपणे साथ द्यावी : सत्वशील माने
महाराष्ट्र न्यूज वन प्रतिनिधी कोल्हापूर : गेल्या दहा वर्षात विकास कामासाठी जेवढा निधी आला नाही , त्याच्या शतपटीने निधी खासदार धैर्यशील माने यांनी गेल्या पाच वर्षात हातकणंगले लोकसभा मतदार संघात खेचुन आणला आहे . मतदारसंघाचा कायापालट करण्याचा त्यांचा ध्यास आहे. त्यासाठी त्यांना वाळवा तालुक्याने खंबीर साथ देवुन प्रचंड मताधिक्याने निवडुन देण्याचे आवाहन सत्वशील माने यांनी वाळवा व शिराळा तालुक्याच्या संपर्क दौऱ्यात केले. संपर्क दौर्यात माजी मंत्री सदाभाऊ खोत, गौरव नायकवडी,भीमराव माने, सागर खोत , स्वरूपराव पाटील उपस्थित होते .
यावेळी सत्वशील माने यांनी वाळवा तालुक्यातील येवलेवाडी, शेने, कलामवाडी, केदारवाडी, मिरजवाडी , मर्दवाडी, तुजारपूर तसेच शिराळा तालुक्यातील कनदूर, पूनवत, कुसाईवाडी, पन्हाळवाडी, शिरये आदी गावातील मतदारांशी संपर्क साधला. तसेच संपर्क दौऱ्यात गावातील तरुण मंडळांनी प्रचारामध्ये प्रतिसाद दिला.