महाराष्ट्र न्यूज वन प्रतिनिधी, कोल्हापूर : जागतिक सर्जन दिनानिमित्त असोसिएशन ऑफ सर्जन्स ऑफ इंडियातर्फे ८ जून ते १५ जून २०२६ या कालावधीत देशभरात "सर्जन्स वीक" साजरा करण्यात येत आहे. या निमित्ताने कोल्हापूर सर्जिकल सोसायटी, सिटी चॅप्टर ऑफ एएसआयतर्फे विविध सामाजिक शैक्षणिक व जनजागृतीपर कार्यक्रमांचे आयोजन केले आहे. अशी माहिती संघटनेचे अध्यक्ष डॉ. सागर कुरुणकर यांनी पत्रकारांशी बोलताना दिली.

डॉ कुरुणकर म्हणाले,‘पंधरा जून हा जागतिक सर्जन दिन म्हणून साजरा होतो.त्या अनुषंगाने आयोजित सर्जन्स वीकची सुरुवात  ८ जून रोजी सकाळी ११.०० वाजता "डायबेटिक फूट" या विषयावरील जनजागृती झाली आहे. डॉ. भूषण शिंदे आणि डॉ. प्रशांत चौधरी यांनी यावेळी मार्गदर्शन केले. ९ जून रोजी सकाळी सात वाजता राजाराम तलाव परिसरात वृक्षारोपण कार्यक्रम आणि त्याच दिवशी दुपारी एक वाजता डॉ. डी. वाय. पाटील मेडिकल कॉलेज येथे कर्करोग जनजागृती कार्यक्रम होणार आहे. या कार्यक्रमात डॉ. हर्षवर्धन पोखरकर मार्गदर्शन करतील. १० जून रोजी सकाळी ९ वाजता डॉ. डी. वाय. पाटील मेडिकल कॉलेज येथे रक्तदान सप्ताह उपक्रमाचे आयोजन करण्यात आले आहे. ११ जून रोजी शाहूपुरी येथील सर्वोदय हॉस्पिटलमध्ये डॉ. सागर कुरणकर यांच्या मार्गदर्शनाखाली फॅटी लिव्हर रुग्णांसाठी मोफत फायब्रो स्कॅन तपासणी आयोजित करण्यात आली आहे. १२ जून रोजी डॉ. डी. वाय. पाटील मेडिकल कॉलेज येथे सर्जिकल स्टेपलिंग कार्यक्रम, १३ जून रोजी "सोशल सिक्युरिटी स्कीम फॉर सर्जन्स" या विषयावर सकाळी दहा वाजता डॉ. प्रतापसिंह वरुटे यांचे व्याख्यान आहे.
१४ जून रोजी "हेल्दी सर्जन हेल्दी नेशन" या विषयावर सकाळी दहा वाजता डॉ. आनंद कामत मार्गदर्शन करणार आहेत. डी वाय पाटील मेडिकल कॉलेज येथे ही दोन्ही व्याख्याने होतील. नागरिकांनी या उपक्रमांचा लाभ घ्यावा असे आवाहन केले. पत्रकार परिषदेस सचिव डॉ.मधुर जोशी, खजानिस डॉ. सत्येंद्र ठोंबरे उपस्थित होते.