शिवाजी - प्रॅक्टिस फुटबॉल संघाला कडक समज
schedule30 Jan 23 person by visibility 905 categoryक्रीडा
महाराष्ट्र न्यूज वन प्रतिनिधी कोल्हापूर :
शाहू छत्रपती चषक फुटबॉल स्पर्धेत मैदानावर खेळाडूंची झालेल्या मारामारीची कोल्हापूर स्पोर्टस् असोसिएशनने गंभीर दखल घेतली असून शिवाजी तरुण मंडळ आणि प्रॅक्टिस क्लबला कडक समज दिली आहे. या पुढे दोन्ही संघांनी गैरवर्तन केल्यास संघावर बंदीची टांगती तलवार राहण्याची शक्यताही वर्तवली जात आहे.
केएसएने दोन्ही संघांना कडक समज दिल्याचे पत्र दिले आहे. दोन्ही संघांना ही अखेरचा इशारा असल्याचे बोलले जात आहे. शिवाजीच्या संकेत साळोखे आणि प्रॅक्टिसच्या राहूल पाटीलला मुख्य पंचांनी मैदानावर मारामारी केल्याप्रकरणी रेड कार्ड दाखविले आहे. त्यामुळे दोन्ही खेळाडूंना दोन सामन्याची बंदीची शिक्षा ठोठावली आहे. तसेच शिवाजीच्या करीम मुरेन आणि प्रॅक्टिसच्या ज्युलियस स्ट्रो यांनी सामन्यानंतर एकमेकाच्या अंगावर धाऊन जाण्याचा प्रकार केल्याने त्यांच्यावर एक सामन्याची बंदी आणली आहे. तसेच शिवाजीच्या करण चव्हाण बंदरे, गोलरक्षक मयुरेश चौगुले आणि प्रॅक्टिसच्या अदित्य पाटील, संकेत जाधव यांना कडक समज दिली आहे, असे केएसएच्या प्रशासनाने पत्रकारांशी बोलताना सांगितले.
