महाराष्ट्र न्यूज वन प्रतिनिधी, कोल्हापूर : राज्य निवडणूक आयोगाकडून राज्यातील २९ महापालिकांच्या सार्वत्रिक निवडणुकीसाठी सुधारित कार्यक्रम जाहीर करण्यात आला आहे. प्रारुप मतदार यादी हरकती व सूचना मागविण्याकरिता प्रसिद्ध करण्याची तारीख १४ नोव्हेंबर २०२५ रोजी आहे.प्रारुप मतदार यादीवर हरकती व सूचना दाखल करण्याची अंतिम तारीख २२ नोव्हेंबर आहे. प्रारुप मतदार यादीवर दाखल हरकतींवर निर्णय घेऊन प्रभागनिहाय अंतिम मतदारयादी सहा डिसेंबर रोजी प्रसिद्ध करण्याच्या सूचना आहेत.मतदान केंद्राच्या ठिकाणांची यादी आठ डिसेंबर रोजी तर मतदान केंद्रनिहाय मतदार यादी १२ डिसेंबर २०२५ रोजी प्रसिद्ध होणार आहे. राज्य निवडणूक आयोगाचे सचिव सुरेश कांकांणी यांनी महापालिकाना यासंबंधी आदेश काढले आहेत.