महाराष्ट्र न्यूज वन प्रतिनिधी : राज्यातील 246 नगरपरिषद आणि 42 नगरपंचायतीच्या निवडणुका दोन डिसेंबर २०२५  रोजी होणार आहे. तीन डिसेंबर रोजी मतमोजणी होणार आहे अशी घोषणा राज्य निवडणूक आयुक्त दिनेश वाघमारे यांनी पत्रकार परिषदेत केली. 

नगरपंचायत व नगरपालिका या  दोन्ही निवडणूकसाठी राज्यातील एक कोटी सात लाख तीन हजार ५७६ इतके मतदार मतदान करणार आहेत. ईव्हीएम मशीनद्वारे मतदान प्रक्रिया होणार आहे. ऑनलाइन पद्धतीने उमेदवारी त्यांचे अर्ज स्वीकारले जाणार आहेत. मतदान केंद्रनिहाय मतदार या सात नोव्हेंबर रोजी प्रसिद्ध होणार आहेत. मतदारांना मतदान केंद्र आणि यादीतील नाव शोधण्यासाठी खास अप बनवले आहे. दुबार नावे असलेल्याकडून इतरत्र मतदान न करण्यासंदर्भात हमी घेतली जाणार आहे. या निवडणुकीसाठी 288 निवडणूक अधिकारी व 288 सहाय्यक निवडणूक अधिकारी यांच्या नियुक्ती केल्या आहेत जेष्ठ नागरिकांना मतदानावेळी प्राधान्य देण्यात असणार आहे मतदान केंद्रावर वीज, पाणी, सावलीची व्यवस्था असेल. 

नगरपालिका आणि नगरपंचायतीसाठी मिळून एकूण २८८ नगराध्यक्ष व  ६८५९ सदस्य निवडले जाणार आहेत. ३८२० प्रभागात ही निवडणूक होईल. या निवडणुकीसाठी उमेदवारी अर्ज भरण्याची सुरुवात दहा नोव्हेंबर रोजी सुरु होणार आहे. उमेदवारी अर्ज दाखल करण्याची अंतिम मुदत सतरा नोव्हेंबर पर्यंत आहे. अर्जांची छाननी १८ नोव्हेंबर रोजी आहे. ज्या ठिकाणी हरकती व आक्षेप नसतील तेथे उमेदवारी अर्ज माघारीची मुदत २१ नोव्हेंबरपर्यंत आहे. जिथे हरकती व आक्षेप असतील तेथे २५ नोव्हेंबरपर्यंत उमेदवारी अर्ज माघारीची मुदत आहे. चिन्ह वाटप व उमेदवारी यादी  २६ नोव्हेंबर रोजी प्रसिद्ध करण्यात येणार आहे. दोन डिसेंबर रोजी मतदान होईल आणि तीन डिसेंबर रोजी मतमोजणी आहे.