बैठकीच्या क्षीरसागर यांनी, येत्या नवरात्रोत्सवात देवस्थान समितीच्या वतीने भाविकांसाठी पार्किंग, मंडप व्यवस्था, स्वच्छतागृह, मंदिर परिसरातील दुकानदारांच्या समस्या, सुरक्षा रक्षकांकडून भाविकांशी होणारे वाद, भाविकांच्या मालमत्तेची सुरक्षा, देवस्थान समिती अंतर्गत सुरु असलेली विकासकामे, त्यातील प्रलंबित कामे, प्रस्तावित विकास कामे आदीबाबत माहितीची विचारणा केली.

 याबाबत माहिती देताना देवस्थान समितीचे सचिव शिवराज नायकवडे यांनी  भाविकांच्या वाहनासाठी सुमारे ११ ठिकाणी पार्किंग जागांचे नियोजन केले असल्याचे सांगितले. तसेच इतर उपाययोजनांची माहिती दिली.

 यावेळी बोलताना क्षीरसागर यांनी, नवरात्रोत्सव काळात मंदिरात होणाऱ्या कार्यक्रमात पूर्वापार कार्यक्रम करणाऱ्या कलाकारांनाही सामावून घ्यावे. मंदिर परिसरात होणाऱ्या चोऱ्या, पाकीटमारी आदी बाबत रेकॉर्डवरील सराईत गुंडांना ताब्यात घेण्याबाबत पोलीस प्रशासनास सूचना कराव्यात. फिरस्त्यांकडून भाविकांना त्रास होणार नाही याची दक्षता घ्यावी. आगामी काळात काम रखडले जाणार नाही याची दक्षता घ्यावी. यासह देवस्थान समितीच्या प्रलंबित विकास कामांसह, प्रस्तावित केलेल्या आणि आवश्यक असलेल्या आराखड्यांच्या व प्रस्तावांच्या प्रती सादर कराव्यात. त्याअनुषंगाने मुख्यमंत्री शिंदे यांची भेट घेवून लवकरात लवकर मंत्रालय स्तरावर विशेष बैठक लावून  आवश्यक निधीबाबत पाठपुरावा करू, असे आश्वासित केले.

 बैठकीस अप्पर जिल्हाधिकारी किशोर पवार, देवस्थान समितीचे उप- अभियंता सुयश पाटील, लेखापाल धैर्यशील तिवले, वास्तुविशारद राजेंद्र सावंत, वास्तुविशारद मनोज पंडीत, रणजीत निकम, ठेकेदार संकल्प पाटील आदी उपस्थित होते.